Zaoterdaag 10 jannewari is tiejes ós Prinsegala ‘t 57ste trio van vastelaovesvereiniging
De Wien oetgerope in Domani Venlo. Dit jaor gaon Prins Marc II (Vullings), adjudant
Axel (Vercoulen) en adjudant Roy (van Erp) ós vereiniging veur as Wientrio 2026.
Gaer stelle weej ós trio aan óg veur.
Prins Marc II is getrouwd met Inge en haet twieë kinder, Julie en Tim. In ’t dageliks laeve is hae werkzaam beej Rubix, Ziene vreeje tied bringk hae gaer door met zien gezin en vrinde en bestaejt hae gaer aan zien hobbies, zoeë wie geschiedenis, ’t verzamele van meziek en kampere.
’t Prinseschap van Marc II is binne vastelaovesvereiniging De Wien ein unicum; hae is maar leefs de derde generatie Prins binne de femilie Vullings en vastelaovesvereiniging De Wien naodet zien vader Jos II in 1995 en ziene opa Sjeng I in 1974 deze biezóndere ier toebedeild krege.
Adjudant Axel is al jaore same met zien Marcella en haet 2 dochters, Semmy en Indy en is werkzaam beej Meldon Plastics in Niej-Berge as toolengineer. Ziene vreeje tied bringk hae door met ’t same met Marc en Roy aanmoedige van VVV, padelle en baovenal ‘vastelaovend viere’.
Adjudant Roy is same met zien vriendin Cristine. Zien werkzame laeve bringk hae door beej logistiek expediteur KLG as customer service meiwerker. Ziene vreej tied bestaejt haet ’t leefste aan zien oetgebreide Star Wars Lego-verzameling, gezelschapsspelle, kaoke en wandele.
Eur liefspreuk is.
Same creërde weej al moeie verhaole
Now auk beej de wien onder ‘t motto “kiek ós straole”
Gruuets zien weej um heej te staon
En och in de Wiener vastelaovend veur te gaon
Heb leef, geneet en maak flauwe köl
Same met os….leef Wienböl!
