Joekskemissie

Waat duit de Joekskemissie?

Weej beginne idder jaor weer met ós Wiener Leedjes Festival. Heej veur nuueje weej idderein oet veur ‘t schrieve van ein leedje en al jaore lök det met hiel vuuel enthousiaste schrievers, kómponiste en zengers. De Joekskemissie zörg veur de repetitie-aovende en veur de begeleiding van de leedjes.

Ouk perbere weej weer idder jaor te zörge veur ein deskundige vak-zjurie die 40% van de stumme haet, en ein schrievers/kómponiste-zjurie die ouk 40% van de stumme haet. De veer winnende leedjes waere in ein studio opgenaome en zien dan via de website, Youtube en Spotify te luustere. Taeves wuurt gezörg veur de optraejes van dees winnaers.

Weej halde ós ouk bezig met ein van de groeëtste en belangriekste evenemente, ‘t Prinsegala. Op dezen aovend wuurt ’t nieje Wientrio oetgerope, det ós det jaor veur geit in de vastelaovend. Ouk heejbeej zien weej al ein diek jaor van te veure bezig met ‘t regele van artieste, aete en vaerdere invöllinge.

Ein ander hoeëgtepunt is de Prónkzitting, die weej halde in Domani in hertje Venlo. Met dees Prónkzitting zien weej ein wies twieë jaor van te veure al bezig um goje artieste te vinde en te kóntraktere. Det is neet altied aeve mekkelik, maar oetintelik lök ’t ós toch altied weer um ein erg good programma te prissentere.

Leje Joekskemissie:
Chris Munten (Veurzitter)
Sandra van Tankeren-Faessen
Robert Frederiks
Linda Smeets
Laura Sanders

Geej kint ós bereike via joeks@dewien.nl