Technische kemissie
Waat is en duit noow eigelik de Technische kemissie, of te waal in de volksmónd “de TC”?
De TC besteit oet eine groeëte groep luuj, jónk en waat minder jónk, en allemaol lid van ós vastelaovesvereiniging De Wien.
Wie zeen de aktiviteite van dees kemissie d’r oet?
De aanloup veur ein niej vastelaovessezoen begint al waeks naodet ‘t veurige sezoen aafgeloupe is.
Dan wuurt ein bespraeking gehalde euver wie ‘t allemaol verloupe is en wao al aan gedach en eventueel verbaeterd mót waere veur ‘t kómmend sezoen.
Weej blieve ‘t ganse jaor op iddere maondaagaovend vergadere en brainstorme euver de aankleiing veur ‘t nieje sezoen.
Halverwaege augustus gaon weej weer eine start make met ós werkzaamhede.
D’r wuurt dan bekeke waat d’r gerepareerd mót waere, niej gemak, niej besteld, wie ‘t decor d’r oet mót gaon zeen, en zoeë vaerder. Ouk mót d’r neteurlik gepland waere wennier weej opbouwe en aafbraeke beej de Wien-evenemente en waat weej veur dees aovende nuuedig hebbe aan buun, meziek, leech, decor, geluud en versiersele.
As dit allemaol bespraoke is, gaon weej aan de slaag in ós “werkhok”.
In dees werkplaats zien weej dan ein wies twieë aovende in de waek bezig met zage, schroeve, schildere, alles waat maar te make haet met de aankleiing van de zaal, wao ein Wien-evenement gehalde wuurt.
Vaerder zörge weej neteurlik det ‘t geluud en leech is aangebrach en wuurt bedeend.
Al met al hiel waat werkaore, maar die waal met vuuel plezeer ingevöld waere!!!!
Heb geej vraoge? Neem dan gerös kóntak op.
