Raod van 11

De raod van elf besteit zoeë-as de naam al duit vermoede oèt minimaal elf persoeëne, wao ónder de Vors, de Chef du Protocol en de sirremoniemeister.

Waat doon noow die verschillende ‘raodsleje’ zoeë-al. Te beginne beej de vors; hae is de veurzitter van de “Raod van Elf”. De vors wuurt door de jaorvergadering van de vereiniging veur ein periode van veer jaor gekaoze. Hae mak taeves deil oèt van ’t besteur van de vereiniging as aafgevaardigde van de raod van Elf. De vors is in ‘t vastelaovesseizoen: van d’n elfde van d’n elfde wies aswoensdaag de spraekbuùs van de vereiniging. Boète ‘t seizoen velt die ièr te beurt aan de veurzitter. 

De vors presenteert ouk de diverse evenemente van de vereiniging, dink heej beej aan de Leedjesmatinee, Gala-aovend, wao ‘t nieje trio wuurt oètgerope, aan de prónk- en hierezitting en aan de diverse resepsies.

De sirremoniemeister (de man met de bel) is verantwoordelik veur de ‘Wienmeriekes’ en net as de vors ein stök presentasie beej de ‘Wien’ evenemente. Beej de prónkzitting haolt de sirremoniemeister, same met zien Wienmeriekes, zoeëas gebroèkelik de artieste van achter oèt de zaal de buun op, ónder de klanke van ein bekind Wienleedje en met ‘t luuje van zien bel. Vaerder veurt hae op bevel van de vors de waal bekinde döbbele of dreej döbbele ‘Wienbol’ oèt. 

De Chef du Protocol is in ierste instansie verantwoordelik veur de prins en zien adjudante. Hae begeleidt ut trio vanaaf ‘t moment det zeej aan mekaar veurgesteld waere wies det zeej in november weer aaf mótte traeje. Hae zörg det ‘t trio good gekleid is, mak aafspraoke veur ‘t passe van de mutse en ‘t make van de foto’s.

Zoeëvaer de ‘belangrièkste’ funksies binne de raod van elf. Dink noow aevel neet det de res niks duit, in taegedeil, veur geneumde funksies zien binne de raod plaatsvervangers aangeweze, mót ‘t vervoer van de raod geregeld waere, is d’r ein sikkertaris en eine penningmeister nuuëdig zoeëdet idderein waal ein funksie haet.

De Raod van elf begeleidt same met de Wienmeriekes de Prins met zien Adjudante vanaaf ‘t moment det zeej oètkómme wies det zeej aaftraeje.

Zin of interesse um ouk ens te bespraeke of de raod van elf wat veur dich is? steur ein email nao vors@dewien.nl um heej ens vreejblievend euver te informere.

image00331

Vors Wienius

Eric
Martens

Vice Vors vervoersmeister

Renee
Lammen

1ste Sirremoniemeister

John Storm

Chef du protocol

Joep van Remortel

Chef du protocol

Marcel Betzel

Jos Zanders

2de Chef du protocol

Gerard Vonk

Max van Es

2de Sirremoniemeister

Francois Vervoort

Arbi

Jos Vastbinder

Arbi

Remco Vervoort

Sikkertaris

Kevin Verheijden

1ste Penningmeister

Marcel Schelberg

Sikkertaris
2de penningmeister

Daniël van Cleef

Bart van Ninhuys

Paul Klein

Jarno Teelen

Marc Verheijden

2de vervoersmeister

Dirk van Dijk

aetmeister

Rik Derksen

Raodsfotograaf

Koen Ploum