Zoë det is fijn. Vastelaovens seizoen 2023 beej Vastelaovensvereiniging de Wien is begós. Nao bijna anderhalf jaor zwiege, zoog ein bómvol Domani Prins Renee I (Lammen), adjudante Dirk (van Dijk) en Marcel (Betzel) eur entree make.
Same met eur dames en de prinsekemissie hebbe zeej nao deze daeg toegelaef.
Naeve de vuuele Wienleje, alt en jóngk, ware d’r ouk vuuel femilie en vrinde van ‘t trio beej aanwezig.
D’n daag begós met ‘t interne oetkóme. Heej waas de wieze raod van 11, ‘t bestuur, de iereleje en de miniwienius beej aanwezig. Ein unieke daag veur ‘t trio, maar ouk veur de miniwienius. ‘t Waas veur ‘t ieers det ein jeuglid heejbeej aanwezig moch zien. Nao ‘t oetkóme waas ‘t tied veur de felicitaties en ein drenkske waonao ouk veur ein hepke woord verzörg.
De aovund waas één groeët spektakel wao de foto’s boekdeile spraeke. Wils dich alle foto’s bekieke klik dan effe op deze link of gank naao Media – Foto’s
Nao eine kórte nach waas ‘t waer vruug daag, umdet de vlag gehese meus waere. Dit gebeurt al sinds jaor en daag beej Grand Café Maagdenberg. Um 11 euver 11 waas ‘t tied o\um de vlag te laote wappere en de proklamasie veur te laeze. Dit deje ze ónder ‘t toezeendaug van vuuel toeschouwers, de 4 winnende Wienleedjes, ein delegatie van ‘t jeuggezelschap, bestuur, de hiere van de raod van 11 en hiel vuuel alt prinse.
Aansloetend óntvinge de aanwezige de medaille van ‘t trio, waona zeej nao Domani vertrókke veur de Hierezitting.
Nao ‘t PrinseGala haet ‘t personiel van Domani gezörg det ouk eur lokasie d’r waer tiptop oetzuut veur de Hierezitting. De lange taofels stónde klaor met de groeëte pulle, welke vlót gevöld woorte. ‘t Prógramma zoot vól met leuke, grappige, muzikale en zwingende acts. Kiek veur vuuel mier foto’s beej ‘t tabblaad media of klik op deze link