Op deze kalde zóndaagmorge waas idderein al vruug present beej Domani veur ‘t Vlaghijse en de Medaille-raege. Ónder ‘t genót van ein glaas bubbels, zien ós wienleedjes gezónge en is de vlag gehese door ós nieje trio: Prins Marc II met zien adjudante Axel en Roy.
Heej nao volgde de Medaille-raege veur femilie, iereleje, leje van verdeenste, bestuur, raod van elf, jeugraod, ald-prinse, ald-adjudante en actieve kemissieleje.
Foto’s: Koen Ploum
