Zóndaag 9 fibberwari waas ’t móment dan dao. D’n daag van de receptie van ós wientrio Prins Rob II en zien adjudante Joost en Floris. Neteurlik kin dae receptie neet beginne veurdet ós gebroekelikke vastelaovesmis beej de Femiliekerk is bezóch.
’t Is idder jaor weer moeëj um te zeen wie vuuel minse de kerk bezeuke veur dees mis. Ein prachtige mis met moeëje wäörd van Daeke Spee, diverse spraekers en zengers ónder muzikale begeleiding van de Hermeniekepel.
Beej deze ein sfeerimpressie
Nao de vastelaovesmis waas ’t tied um per bus same van de Femiliekerk nao Domani in hertje stad te gaon.
Nao ein gezamelikke en good verzörgde lunch door Domani kós de receptie beginne.
Vanoet groeët Venlo kwame femilie, vrinde, bekinde en neet te vergaete ós zustervereiniginge eur fillicitaties euverbringe aan ós Wientrio. Naodet alle fillisitaties en kedoos in óntvangs ware genaome, waas ’t tied veur de afterparty.
