IN MEMORIAM – FRANS PETERS
Weej hebbe ’t dreuvige berich óntvange van ’t euverlieje van ós Ierelid, d’n hier
Frans Peters
Wies vreej recentelijk waas Frans nog altied van de partiej binne Vastelaovesvereiniging de Wien. Zoe waas hae ouk nog altied aanwezig op ut jaorlijkse intern oetroope van ozze nieje Hoeëgheid
In 1987 waas hae zelf prins Frans II van os vereiniging tesame met zien adjudante Cep van Mosseveld en Bas Bossink. Hae waas daormei de derde broor van de familie Peters dae prins van De Wien waord (iérder Jan en Frits)
Frans waas dao beej de oprichting van os vereiniging in 1967 al beej en haet zoedoende ein indrukwekkende staot van verdeenste. Zoe haet hae jaorelang deiloetgemak van ozze hoeëge wieze raod van Elf as o.a sikkertaris en haet hae 17 jaor deiloetgemak van ‘t bestuur as sikkertaris van de raod en van de vereiniging.
Ouk waas hae jaore veurzitter en lid van os technische kemissie.
Tot slot haet hae ouk nog diverse wienleedjes geschreve en gezonge waormei hae maar leefs 15 kier beej de winnende leedjes wis te behuure.
Veur al die verdeenste is Frans in 1992 beneump tot Iérelid van Vastelaovesvereiniging de Wien.
Frans, weej gaon dich misse as mins, maar zeker ouk as daegene dae in al die jaore vuuel veur De Wien beteikend haet.
Weej winse zien laevespartner Gerta en vaerdere femilie en vrinde hiel vuuel sterkte toe.
Bestuur en leje van vastelaovesvereiniging De Wien
