‘t Haet ozze majesteit behaag um de hiër Huub Beeren te ónderscheije met ein moeëje keuninklikke ónderscheiding. In ‘t beejzien van femilie en bekinde woort hae door börgemeister Antoin Scholten verras.

Huub is al jaore lang bezig um vastelaovend te promote. Hae is aktief op de radio (stadsumroop), facebook, aktief lid beej De Wien en vreejwilliger beej woeënzörglokatie Auxiliatrix. 

Huub waas in 1984 adjudant beej Prins Piet 1 (Beckers), hae waas 11 jaor raodslid, 10 jaor beej de technische kemissie en al 21 jaor aktief lid van de joeks kemissie.
Huub is ouk ein van de gróndleggers van waat weej noow kinne as de Top 555. Zien motto is dan ouk: Door mich te blieve inzette kin ik andere minse laote genete.

Huub van herte perfitia met dees schoeën ónderscheiding. Dees ier is dich mier dan gegund.