Tiejes ’t Wiener Leedjes Festival op zaoterdaag 12 oktoeëber woort d’n hier Jos Vullings beneump as ierelid van ós vereiniging.

 

Jos is lid van ós vereiniging sinds 1981 en actief sinds 1983 in de TC. Dao mei is hae ’t langst werkende actief kemissielid oeëts.

Jos is 4 jaor sikkertaris gewaes, jaorelank lid van de Raod van Elf en inmiddels alweer jaore actief beej de organisatie van ós groeëte receptie.

 

Ouk waas Jos ónderdeil van ein biezóndere kemissie (Raod van Advies) die in ’t laeve gerope is um de broeëdnuuedige, maar ingriepende veranderinge door te veure binne De Wien. Dees veranderinge zien zier succesvol gebleke en De Wien gloreert as noeëts teveure. Ein van de oetvloeisels van dees actie is de Hierezitting, wao van Jos inmiddels ouk al deil oet mak.

 

Boete ziene inzet veur de vereiniging, is hae ouk al mier dan 22 jaor veurzitter van ’t College van Ald Prinse.

 

En door zien beejdrage beej Stadscomité BBZ, zörg hae det de Groeët Venlose Vastelaovend blief bestaon, waat neteurlik ouk in ‘t belang is van vastelaovesvereiniging De Wien.

 

Jos haet zien boetegewoeëne spore beej de vereiniging diek en döbbel verdeend. En det waas dan ouk raeje um Jos Vullings aafgeloupe zaoterdaag te beneume as ierelid.

 

Jos, van herte perfitsia names ’t bestuur en leje van vastelaovesvereiniging De Wien!