Vanaaf 2015 zet Joep zich al verdeenstelik in veur vastelaovesvereiniging De Wien. As raodslid is hae al snel Chef du Protocol gewaore en zörg hae dao veur det vanoet de prinsekemissie allerlei praktische zake in de veurbereidingstied geregeld waere. Ein precieze en smeis ouk tiedrovende oetdaging. Tiejes ‘t sezoen begeleidt hae ‘t trio mei nao alle evenemente en gelaegehede wao ‘t trio zich luuet zeen en zörg hae det alle puntjes op de i staon en ‘t trio zich waerdig vertuuend. In de raod toeënt hae zich as eine verbinder wao door mei de raod van elf noow oet maar leefs 19 persoeëne besteit, en det in ein opperbeste sfeer.

Veur ziene baovegemiddelde beejdrage aan vastelaovesvereiniging De Wien de letste jaore en de veurbeeldfunctie dae hae dao mei vertolk, haet ‘t bestuur van vastelaovesvereiniging De Wien beslaote um d’n hier Joep van Remortel te beneume as vreejwilliger van ‘t jaor 2025.

Joep, van herte perfitsia!