Jeugtrio 2024 oetgeroope!
Vriedaag 12 jannewari is in ein bomvolle Brasserie de Witte tièdes de 2e edisie van D’n Joeks-Tam-Tam os nieje jeugtrio oetgerope. Prinses Tess I (Lammen) zweijt dit jaor same met zien adjudante Saartje (Hesselmans) en Guusje (Verleun) de scepter euver ut jeugwienrièk.
Prinses Tess I is gebaore op 25 juli 2010. Same met elders Renee en Nicol en broor Siem is Tess woeënachtig in Blirick. Tess is genne onbekinde binne de Wien. Ziene pap Renee waar veurig jaor Prins van de Wien en is al jaore lang lid van de raod van 11. Zien mam mak deil oet van de Jeugkemissie en waar in ut verleeje Wienmerieke. Vanaaf de vastelaovend van 2011 is Tess al te vinde beej de Wien. Op de doordewaekse daag zit Tess op schoel op ut Blariacumcollege. Zien hobby’s zien aafspraeke met zien vrinde en ziene pony Spetter. Tess is in ziene vreeje tièd dan auk döks op stal te vinde. Tess is al inkele jaore lid van de raod van 11 van os Wienjeug en ut leefs aet ut eine lekkere spekpannekook.
Adjudant Saartje is gebaore op 19 april 2010 gebaore midde in de binnestad en dao nog altiëd woenachtend same met zien mam Femke, ziene pap Marc en eur twieë kwante kielfkes Loco en Koosje. Saartje zit op schoel op ut Valuascollege. As de schoeël veurbeej is, is ut döks te vinde beej zien 2 pony’s Raf en Diesel. Ein andere hobby van um is fotografere waat ut super leuk vind um te doon. Vanaaf det Saartje is gebaore is ut al besmet mit ut vastelaovesvirus.
Adjudant Guusje is gebaore op 12 jannewari 2010. Ut woeënt in de bookend met zien Vader Plum, Mooder Peggy en Breurke Mats. Naor schoel geit ut op ut Blariacumcollege in Blierick. Auk Guusje is in ziene vreejen tied de vinde op de manage en sinds kort haet ut zien eige Paerd Elvive. Sinds aafgelaupe seizoen mak Guusje deil oet van de raod van 11 van de Jeug van de Wien.
Os nieje jeugtrio helt eur resepsie op vriedaag 19 jannewari vanaaf 19.30 oor beej Brasserie de Witte op de Parade in hertje stad.
Zeej gaon os dit jaor veurop onder eure liefspreuk:
Vanoét de weeg same groeët gewaore
Feeste weej al hiél waat jaore
Met ózze hiep onder de kónt
Drave weej ’t ganse Wienriek rónd
Weej dreej vrouwluuj in volle gallop
Niks KEEP CALM, GAAS D’R OP!!!
