Weej hebbe ’t dreuvige berich óntvange van ’t euverlieje van ós Lid van
Verdeenste, d’n hier

Martin Holla

Martin waas 51 jaor lid van ós vereiniging. In al die jaore is hae 19 jaor lid
gewaes van de Raod van Elf en is hae 36 jaor actief gewaes as lid en veurzitter
van de AZ-kemissie. In 2012 woort hae beneump as Lid van Verdeenste.
In 1979 waas hae prins Martin I en wies d’n daag van vandaag waas hae nog
altied lid van ’t College van Ald Prinse.
Hae waas op en top eine vereinigingsman. Martin, weej gaon dich misse as
mins, maar zeker ouk as daegene dae in al die jaore vuuel veur De Wien
beteikend haet.

Weej winse Ria, Corina, Wilma, Jos, Paul, kleinkinder en femilie hiel vuuel
sterkte toe.

Names ‘t Bestuur en leje van Vastelaovesvereiniging De Wien