Weej hebbe motte beslaote um ’t Aaftraeje met Joeks in beslaote kringk (op oetnuuediging) te halde. Kiek later op ós nieje website veur een fotocompilatie van ’t Aaftraeje.
’t Nieje trio steit al (bijna) klaor. De planne zien gemak, de mutse zien gekaoze, pakke gepas en de medalje ontwórpe. Ós huidige trio hingk de mantels aan de kapstok en zeej waere met ope erm óntvangen door de ald prinse en ald adjudante wao de ontgreuning al haet plaatsgevonde.
Nao vuuel scenario’s met ’t bestuur, de joekskemissie en ’t trio bespraoke te hebbe, zien weej tot de kónklusie gekómme det weej ‘t, met de oploupende coronabesmettinge, neet verantwoord vinde um ein aaftraeje met diverse artieste, etc. te órganisere. Weej hebbe dan ouk beslaote um ’t Aaftraeje met Joeks in beslaote kringk (op oetnuuediging) te halde op zaoterdaag 27 november van 15.00 wies 18.00 oor.
Weej zulle dan op ein waerdige wies aafscheid neme van ‘t trio mit bestuur, Raod van elf, Wienmeriekes, iereleje en de veurzitters van ald prinse en ald adjudante (allemaol zónder partners). ’t Trio zal aanwezig zien met allein eur vruikes en kinder.
Op ós nieje website kint geej binnekort ein fotocompilatie zeen van ‘t Aaftraeje zónder Joeks.