Op zaoterdaag 27 november jl. hebbe weej in ein klein kómpenie aafscheid genóme van ’t regerende trio van 2020. Zoeëas gebroekelik, toen alle genuuejde binne ware, woort de sirremoniemeister vergezeld door ein ienieminiewienmeriekke, de wienmeriekkes en de raod van elf ónder de bekinde wienklanke van as ik dich zeen binne gehaold
Nao ein welkomswoord van ozze vors wiennius en ein woord van de veurzitter kós ’t trio nog effe plaatsneme in de speciale praos, welke veur eur klaor staonde, um te gaon luustere nao de dreej wienleedjes. Heej nao woort de nieje wiensite ónthult en begós ’t echte aaftraeje.
Ieërs volgde d’r ein dankwoord aan de dreej dames van Ralph, Marcel en Danië,l veurdet zeej zich toch noow waal ech van alle regalia meuste óntdoon. Nao deze ontmanteling woorte ze alle dreej weer ein bietje “aangekleid”. Zoë kreeg Ralph ‘t bekinde ald prinse kruuts umgehange en Marcel en Daniël eur ald adjudante A.
Heej nao waas ’t woord aan Ron Janssen as veurzitter van de ald adjudante um Marcel en Daniël toe te laote traeje beej eur gezellige groep van ald adjudante. Ouk krege zeej eur ald adjudante speldje opgespeld en woort ’t ald adjudante leed gezónge.
Jos Vullings (VZ van de ald prinse) waas op vekansie en zien taak woort euvergenóme door Marc Houwen. Hae móg Ralph ’t golde speldje van de ald prinse opspelde en de inigste en echte ald prinse scheepje opzette. Same met de aanwezige ald prinse woort ’t ald prinseleed gezonge en is Ralph toegetraoje tot ’t college van ald prinse van de Wien.
Van de P&P kemissie ontving Ralph nog ein moei fotoalbum en toen zoot ’t d’r noow waal ech veur eur op. Nao ein korte borrel nao aafloup waas deze middaag veurbeej en zoot de regeerperiode van Ralph, Marcel en Daniël d’r op.
Weej kieke truuk op schoeëne daag en gelökkig hebbe we de foto’s nog.
