Tiejes ós Prónkzitting op zaoterdaag 22 november woort Corina Zanders beneump as ierelid van ós vereiniging. Dees bezóndere ónderscheiding is ein ierbetoeën aan zien inzet, betrokkeheid en leefde veur ós vereiniging.

Corina woort in 2006 aktief lid, in ‘t jaor det ziene man Jos adjudant waas beej ald prins Boy I. Zien verbintenis met De Wien zit deep; Corina’s elders zien bekinde gezichter binne ós vereiniging, zoeë waas ziene pap lid van verdeenste en ald Prins Martin Holla.

Nao ein aantal jaor as sikkertaris van de evenementekemissie woort Corina in 2012 gevraog um as sikkertaris toe te treje tot ‘t bestuur. Dees funktie haet Corina maar leefs 13 jaor bekleid. In dae periode haet zeej verschillende veurzitters meuge óndersteune, wao ónder ald veurzitters Marc Houwen en Ed Faessen maar ouk ózze huidige veurzitter Rob van Tankeren.

Corina haet zien boetegewoeëne spore beej de vereiniging diek en döbbel verdeend. En det waas dan ouk raeje um Corina Zanders aafgeloupe zaoterdaag te beneume as ierelid.

Corina, van herte perfitsia names ’t bestuur en leje van Vastelaovesvereiniging De Wien!