Met ’t leedje ‘Hup dan!’ behaolde John Storm en Rik Derksen de ierste plek. De teks is van Linda Smeets en de meziek is gecompóneerd door Marcel Driessen.

 

Op de twieëde plaats eindigde Marc Houwen, Leon Theuws en Sandra Schattenkerk-Rutten met ’t leedje ‘Wie gek mós se zien’. De teks is geschreve door Marc Houwen en de meziek door Mirthe van Dijk.

‘Met dich’, gezónge door Niels Feijen woort derde. Heej is de teks van Ingrid Janssen en Henny Burkhart en de meziek van Ingrid Janssen.

Door ‘t hoëg aantal inzendinge van aafgeloupe jaore, is dit jaor ouk ein nummer 4 oétgeroope. Det is ‘Kiek ós straole’ gewaore en woort gezónge door Patricia Görtjes, Sharon Meelkop-Suiker, Elise Gaspersz en Renée Wilders. De teks waas geschreve door Ingrid Janssen en Henny Burkhart en de meziek is gecompóneerd door Ingrid Janssen.

 

Idderein van herte perfitsia!