Weej hebbe ’t dreuvige berich óntvange van ’t euverlieje van ós ald actief lid en ald adjudant, d’n hier

René Theelen

Jaorelang was Rene lid van ozze Hoeëge wieze raod van elf wao hae bekind stond als opperchef van de vere die ozze vors en hoeëgheid jaorlijks meuge drage. Nog jaorelang nao zien aaftraeje binne de raod wiste os chef du protocols Rene te vinde umdet dao maar eine waas wie dees imposante vere ut bes tot zien rech kwame. Ouk de res van de raod van elf waord neet vergaete want as Arbi zurgde hae dao altied veur det de gehiele raod van elf dao tiptop opstond.

Maar allein de raod van elf waas neet genog veur Rene. Ouk binne os Technische kemissie haet Rene zien spore mier dan verdeend daor ziene jaorelange inzet in deze hechte groep.

Hoeegtepunt mot toch waal zien adjudantschap beej Prins Leon I (Helgers) tesame met collega adjudant Renee Lammen zien gewaes in 2004.  Ouk beej de ald adjudante waas hae altied eine gaer gezene gas.

Rene waas eine vereinigingsman in hert en niere, de letste jaore zooge weej um daor persuunlijke umstandighede helaas minder. Weej zulle um gaon misse as mins, lid en as emus dae vuul veur os vereiniging beteikend haet.

Weej winse zien femilie en vrinde dan ouk vuuel sterkte toe.

Bestuur en leeje van Vastelaovesvereiniging de Wien.