De Joeksmobiel wint Wiener Leedjes Festival

Zaoterdaag vónd in Domani de 27e leedjesaovend van vastelaovesvereiniging De Wien plaats.

Met ’t leedje ‘De Joeksmobiel’ behaolde Roy van den Broek, René Driessen, Jeffrey Houba en Marco van Huenen de ierste plek. De teks is van Frank van den Broek en de meziek is gecompóneerd door Mirthe van Dijk.

Op de twieëde plaats eindigde John Storm en Rik Derksen met ‘t leedje ‘ Wae zal ’t waere’. De teks is geschreve door Linda Smeets en de meziek door Marcel Driessen.

‘Gedaon’, gezónge door Renée Wilders woort derde. Heej is de teks van Linda Smeets en Marcel Driessen en de meziek van Marcel Driessen.

Ouk dit jaor woort weer ein nummer 4 oetgerope. Det is ’T Juuste spoor’ gewaore en woort gezónge door Vic Suiker en Debbie Kunz-Suiker. De teks is geschreve door Peter Jansen en de meziek is gecompóneerd door Hay Geritz.

Weej winse alle winnaers van herte perfitsia!