Leedjesmatinee 9 oktoeëber in Domani

Leedjesmatinee 2022 VV de Wien

 

Wie tóf is det…!

Meidoon aan ós Leedjesmatinee zónder desse ein leedje hebs. Beej De Wien kin det gewoeën. Weej hebbe schrievers en componiste die gaer leedjes door óg laote zinge.

De hoofs neteurlik gen Beppie of Benny te zien, maar ein bietje toeënvas is waal hendig.

Liek dich det waat? Allein of met vrinde… ‘t kin allemaol.

Gaef dich vanaaf 1 juni op via ózze site en dan zeen we dich meschiens waal op ózze Leedjesmatinee-finale op 9 oktoeëber in Domani.

Neteurlik zien ouk de minse welkóm die al ein geweldig leedje hebbe. Ouk veur óg geldt, schrief óg vanaaf 1 juni in.

 

Good um te weite:

Waat zien de koste?

Geluif ‘t of neet, maar De Wien betaalt óg arrangement veur ‘t Leedjesmatinee, gemak door Marcel Driessen, de beste arrangeur van Venlo en umstreke.

 

Waat kinse winne?

Det is bes waal waat. De 3 beste leedjes gaon mei nao Studio Difference in Wiert en de winnaer krieg ouk nog ein leuke clip. Dao naeve is d’r veur de winnaer ouk nog ens eine prachtige wisseltrofee. En boeëte det alles, vuuel tóffe optraejes binne en boete De Wien.

Dus twiefel neet en gaef dich op! 11 leedjes gaon maximaal meidoon in de finale op 9 oktoeëber in Domani. Inschrieve kin vanaaf 1 juni wies 30 juli 2022. Klik heej naeve veur ‘t Inschriefformelier Leedjesmatinee 2022.

Ós motto veur 2023 is: Vastelaovesgelök!

Veur mier info kint geej terech beej Chris Munten (c.munten@outlook.com).