Trio 2008:

Prins John III van Leersum

Adjudant Koos Josten

Adjudant Wil Jacobs

Vors: Boy Kolman
Veurzitter: Dick Lamboo

De Wien Venlo

Lièfspreuk:

Wao dreit ’t um ?... Heej dreit ’t um!
Vastelaovend is vuuël lol en plezeer
Det geit same met ein lekker glaeske beer,
Beej ós steit de vastelaovend veurop
Dus houwe weej de nagel op de kop
Vatelaovend Same
 
‘t Waas d’n daag nao de verjäördaag van mien aldste dochter Nicol, 21 augustus, det beej mich thoés d’n tillefoon ging met de beroemde vraog of ik de nieje prins van v.v. “De Wien” woel waere.
 
Minse, die mich ein biètje kinne, weite det ’t eine druim waas um oeits ens prins van “De Wien” te waere.
Lang heb ik dan ouk neet hove nao te dinke en heb daezelfde aovend ouk al beslis um det zeker te gaon doon.
 
Mien twiej adjudante, Wil Jacobs en Koos Josten, had ik veur michzelf al oétgezóch veurdet ze mich as Prins hebbe gevraog, dus waas ik dao al vlot mei klaor en allebei stumde zeej metein toe. ‘t 41e trio van v.v. “De Wien” waas dus gebaore.
 
Ein schitterend jaor hebbe weej mei meuge make same met ós innigste trio-vruiwke Thea. Zeker de "stille" tiéd veur ’t oétkómme hebbe weej same ervare as ein prachtig moeije periode wao in ze dich good liérs kinne en same hièl waat jen en plezeer gehad dao in ’t Bliérickse geheime adres. Biezónder gruuëts waas ik ouk umdet ik, waat laeftiéd betrof, toen d’n aldste prins waas dae oeits in De Wien waas oétgekómme. 
 
Same met mien adjudante en met name Wilfried (Siebert), dae as chef de Protokol zien letste jaor meimakde, hebbe weej genaote van de iérste wiés de letste minuut van ós regeerperiode. Al de evenemente ware veur ós ein groeët fees, van ’t Prinsegala wiés ’t vlagstriéke.
 
Kantteikening redaksie:
 
John waas in 1991 same met Peter Bakker adjudant beej Henk d’n Iérste (Buskes)
Hae waas vanaaf 1991 wiés 2005 lid van de Raod van Elf. 
John waas  jaorelang lid van de Evenemente Kemissie.
Lid van de Jubileumkemissie 4x11 jaor De Wien.
John is lid van en penningmeister beej de Ald Adjudanteklup.
John is lid van ‘t College van Ald Prinse.   


<<< gank truuk nao de trio's van alle jaore


De Wien Venlo

De Wien Venlo

De Wien Venlo