Trio 2004:

Prins Leon I Helgers

Adjudant Renee Lammen

Adjudant Rene Theelen

Vors: Ed Sonnemans
Veurzitter: Arno Bos†

De Wien Venlo

Lièfspreuk:

As weej ens wiste wie ut zal zien,
euver 100 jaor beej ós in De Wien. 
Weej haope en det meine weej ech,
de vastelaovend, dae geit noeëts weg.
Met óg en ós  veurop,
Zette weej de tent heej op de kop.

’T is dinsdaag 16 september. Ós keuningin sprik de troeënraeje oèt met veur de meiste van ós weinig goods. ’s Aoves wuurt gebeld…
 
Ózze veurzitter Arno wilt efkes praote euver een paar loupende P&P zake. Ik dink nog, dae belt neet um mich te vraoge um prins te waere, want det waas in mien ouge al lang geregeld.
Maar aan ’t ind van ’t gesprek veel ónverwach toch de vraog: wils dich prins van De Wien waere in 2004?
 
Geej weit det ik neet snel met de mónd vol tand staon, maar toen waas ’t toch efkes stil…
Arno vruuëg: bisse nog aan de liën? Jao, Jao Arno, ik vind ’t ein hièle ièr en ein vraog die ik zeker neet verwach had, maar ik dink det ik d’r neet lang euver nao hoof te dinke, maar ièrs effe euverlegge met Yvon zoel neet verkièrd zien.
 
Vuuël aktiviteite ginge gewoeën door en dao kós ik neet wegbliève, want det zoel waat al te verdach zien. De stille tièd waas dus neet altièd aeve mekkelik. Neet te vergaete de leedjesmatinee.
Miene zangkoempel Marc Houwen hat ’t good veurzeen door de titel van ós leedje, “Weej zette de tent op de kop” te verzinne, want det woort al snel werkelikheid.  Umdet weej twieëde ware gewaore, zoel d’r dus ouk nog gezónge mótte waere.
 
Op de meis door mich gewinsde lokasie – de Lindeboum Brouwerie – woort ik same met mien adjudante Renè en Renee veurgesteld aan Raod van Elf, Bestuur en Ièreleeje. Dees lokasie waas ein groeëte verrassing veur ós.
 
Umdet weej allemaol lid ware van de Raod van Elf, woorte op ’t PrinseGala op 16 jannewari dreej Vorste van de Gaaskaetel, de Moeraskwakers en De Kwas oètgerope as niej Trio, die de echte Prins en adjudante ophaolde oèt de zaal. Weej woorte met vuuël kabaal ónthaold.
 
En dan alle aktiveiteite. Geweldig gewoeën. Um det allemaol mei te meuge make as Prins, is ein ónvergaetelik gebeure.
 
Det de vrindegroep de Gold Boys meitrokke in d’n intoch nao de Maaspaort, verkleid as prins, waas al aeve biezónder.
 
Det thoès, tièdes d’n Blièricksen daag, Joekskapèl Span Herres zoeë hard speulde det d’r scheure in de moor óntstónde, waas ouk neet normaal.
 
’T waas ein groèt fees!
 
Maar veurdet ik aafsloèt wil ik toch gaer de maedjes bedanke veur euren inzet. Zónder eur waas ‘t zeker neet zoeë geloupe!
 
Prins Leon I
 
Kantteikening redaksie:
Lid jubileumkemissie 33 jaor VV De Wien
Mei-oprichter sponsorkemissie in 2000 wies 2011
Lid P&P vanaaf 2000
Lid Midzomerkemissie vanaaf 2000
Lid Raod van Elf van 2001 wies 2008 waovan 4 jaor as sirremoniemeister
Hofzenger  en winnaar van diverse leedjesmatinees


<<< gank truuk nao de trio's van alle jaore


De Wien Venlo

De Wien Venlo

De Wien Venlo

De Wien Venlo

De Wien Venlo

De Wien Venlo

De Wien Venlo