Trio 2003:

Prins Martin II van der Vlies

Adjudant Arie Kruyning

Adjudant Nick Denekamp

Vors: Ed Sonnemans
Veurzitter: Arno Bos†

De Wien Venlo

Lièfspreuk:

Alweer plezeer! Ouk det mót kinne
Vastelaovend kump van binne
Vastelaovend in De Wien
Det zal ’t veur ós zien…

Det waas 't motto vanós trio 2003. Waat waas det eine schoeëne tièd. Vanaaf 't begin (september 2002) leep 't allemaol erg good tösse ós en ós vruiwkes. Weej hebbe zièr zeker van te veure al hièl vuuël lol en plezeer gehad. Ós geheime beejeinkómste waare altièd gezellig. Weej meuste dök beejein kómme want dao waas vuuël te bespraeke en te regele wies aan 't oètkómme op 25 jannewari 2003.
 
D'r meus vuuël beer gekoch waere maar de bure hadde 't waer gezeen. Alles woord in de garage neer gezatte en toen begós ut te vreere en alles meus toen de zölder gedrage waere. Jao, 1200 blikken beer (600 liter) det heb ik geweite. Weej zien d'r waal mei oètgekomme wies halfvaste.
 
En dan ut wièkend nao Zeeland met ós zessen, 2 wages volgepak met aete en drinke, gelökkig det ós neemus gezeen haet.
 
Toen weej oètkwaame det wièkend daonao kreeg 't bestuur ein laevesgroeëte kaart oèt Zeeland met de teks; "Jongens wat was 't leuk toen jullie op de bar hebben gestaan", maar dao waas aevel niks van aan.
 
Vanaaf det weej oèt zien gekómme wies vastelaoveszóndaag nao de resepsie beej 't Knibbelke waas 't schitterend waer gewaes en hebbe weej eine heerlikken tièd belaef.
 
Kantteikening redaksie: 

Beej Guus I Theewen waas hae adjudant in 1994.
Martin is 11 jaor bestuurslid (twieëde sikkertaris) gewaes van 1993-2004.
Hae haet ouk jaorelank de intoch geregeld van 1998-2007.
Regelateur van ‘t tappe in de Maaspaort van 1999-2011.
Van 1997 tot 2004 waas hae veurzitter van de veurzittersvergadering.



<<< gank truuk nao de trio's van alle jaore


De Wien Venlo

De Wien Venlo

De Wien Venlo

De Wien Venlo

De Wien Venlo

De Wien Venlo

De Wien Venlo