Trio 1997:

Prins Jan III Vosbeek

Adjudant Ed Sonnemans

Adjudant Marc van Tankeren

Vors: Han Koelen
Veurzitter: Lei van Went

De Wien Venlo
 
Lièfspreuk:
 
Weej gaon óg veur in dezen tiéd van joeks en jen
Dus dans en zing met ós mei heej in de Wien,
Geneet van ein lekker glaeske beer
Nao aswoensdaag zeen weej dan waal weer...
 
Nao in 1982 adjudant te zien gewaes beej prins Gerard II woort ik in 1997 prins van De Wien, dus,  ik wis al ein bietje van wante. Same met mien adjudante Marc van Tankeren en Ed Sonnemans hadde weej eine verschrikkelikke leuke tièd.
 
 ‘s Aoves  op ein gezellig prinsebal  beej de Maagdenberg  (daen daag waas ouk de  elfstaejetoch-noow kós ik neet meidoon!) woort  ik oètgerope tot prins Jan III. Mien buurvrouw Monique had belaof de Wienvlag op te hange as ik prins zoel waere, dus  ‘s morges hóng  die vlag in alle vruùgte al beej ós oèt de raam…!
 
Daags nao 't prinsebal waas ‘t vlaghijse beej ós residensie op ‘t landgood Maagdenberg, met ein gezellige privéresepsie.  Daonao meuste weej ouk nog mien broor Piet gaon fillisitere, dae daen daag viéfentwintig  jaor getrouwd waas. 't Waas ein gelök, ‘t beer hoefde neet gekeuld te waere want het waas kalt genóg.
 
De vastelaovesmis (veur d’n ièrste kier in ós St. Jozefkerk aan d’n Maagdenberg) waas ontzettend moeëj,  ‘t waas hiel drök in de kerk met vuuël zang en meziek van de hermeniekepèl. Jaomer waas det Ridder Adje door krankheit de mis neet kós beejwoeëne.  Ik haop det de videofilm ‘t ein bietje good haet gemak veur um.
 
D’r kump hièl waat op dich aaf asse prins bis, maar de bezeuke aan de schoeële, verzörgingshoès  en kranke minse in ‘t gashoès duit dich beseffe det ‘t neet allemaol gold is waat d’r blink.
Maar veural de gezelligen tièd met ós dreeje – en veural met ós zesse, want ouk de vruikes wil ik zeker neet vergaete – had ik veur gen gold wille misse!!!
 
Kantteikening redaksie: 
 
Waas in 1982 same met Jos Vullings adjudant beej Prins Gerard d’n Twieëde (Seelen).
Vanaaf 1982 actief beej:  AZ kemissie daonao TC kemissie, de Raod van Elf  en bestuur College van ald prinse.


<<< gank truuk nao de trio's van alle jaore


De Wien Venlo

De Wien Venlo

De Wien Venlo

De Wien Venlo

De Wien Venlo