Trio 1994:

Prins Guus I Theewen

Adjudant Rob Bellen

Adjudant Martin van der Vlies

Vors: Gerard Seelen
Veurzitter: Sjeng Vullings

De Wien Venlo
 
Lièfspreuk:

In de “Gooje Geis van de Wien”,
wille weej Joeksig - Regérend bézig zien.
Smeis maak ik ‘t wèrm maar leever maak ik ‘t “kald”,
en DIT…, dèt is wao ik van hald
 
“Vastelaovend is neet allein ein fees um te feeste en um beer achtereuver de schödde. D’r zit vuuël mièr achter.
 Det heb ik de letste waeke aan den liève ondervonde”.  Dees wäörd van mich ware de opstart van ein interview/verhaol, det midde in ózze drökke regeertièd in “De Wien”, aafgedrök woorte in ós “Dagblad” (veurhaer “Tante Bet”).  Waat mót ik allemaol vertelle euver mien Prinsejaor? De belaefs det alles wie eine roes. Wies det ‘t inens vastelaovesdinsdaag is en de vlag ‘s nachs um twelf oor wuurt gestreke... 
 
Leef Minse, waat waas det eine drökke, maar onvergaetelikke tièd! Ik heb vanaaf ‘t begin aaf aan genaote van ‘t Prinseschap. De merks, nao-desse as Prins bis oètgeroope, det d’r in eine positieve (gooje) geis euver dich gepraot wuurt. En det mièr minse dich kinne dan desse eigelik besefs. Det is ‘n hièle ervaring. Naeve al die broèzende momente in miene regeringstièd heb ik veural genaote van de bezeuke aan “Auxiliatrix” (Prof. Duboisstichting) en de Jeugmiddaag van ‘t Roeëje Kruuts. ‘t Is toch prachtig, det dergelikke evenemente veur dees minse waere gehalde. Desse ouk met waord en daad iets veur die minse kins doon. Asse zuus wie dankbaar zeej zien, dan is det veur mich ein van de moeëjste momente gewaes. Deze andere kant van de (Prinse-)medalje wuurt nog waal ens ónderbeleech, maar ‘t huurt d’r waal degelik beej. Mièr dan det zelfs! 
 
Opvallende momente in ós Prinselik Trio-jaor: de komische, geheime, reis nao Maaseik, wao weej nao vuuël speurwerk toch ós mutse hebbe kinne bestelle. Met de bus op waeg nao de Prinsresepsie in de Maaspaort umdet d’n optoch zelf door storm en raege neet door kós gaon. Miene Prinsescepter, gans naogemak in iès, aangebaoje aan de Jocusprins, dae, ónder ‘t hèndjes schödde, op det moment d’r kalde hand van kreeg... 
 
‘t Vlagstrièke: oètgeraekend beej zien letste optraeje nao al die jaore as Vors Wienius, loog Gerard Seelen zwaor krank thoès in bed. Jaomer, want ik had beej det vlagstrièke, same met mien adjudante Rob en Martin, ein door ós zélf gemakde aafscheidsproklamatie veur de scheidende Vors Gerardus Wienius wille veurlaeze en aanreike. Achteraaf kwaam det bés allemaol in orde... 
 
De ièrste kinnismaking in oktober ‘94 op ‘t traditionele wiekendreisje met de Ald-Prinse. Verkleid as zwart/witte Piet, meus ik op eine step mich as eine “dörpsgek” door ‘t talloze publiek op de mert in Lommel bewaege... 
 
‘t Aaftraeje (en veur de nieje Vors Han zien ièrste optraeje) in november, met as sloètstök de komische act van mien jónges van de Technische Kemissie. En zoeë kin ik nog efkes doorgaon.... 
 
Leef minse, (gedachtig mien motto) is alles waat met “keuling en keld” te make haet, mien speesjaliteit, maar...DIT, det waas verwèrmend, waat zeg ik... hértverwermend ! 
 
Kantteikening redaksie:

*Guus is in 1986 Adjudant gewaes beej Prins Karel I. 
*Guus is jaorelang (ouk in zien Prinsejaor) veurzitter gewaes van de Technische Kemissie van “De Wien”. 
 
Weitenswaerdigheid: 
 
In dit Regeringsjaor van Guus I woort, met ‘n geweldige, drök bezochde Resepsie op 29 mei 1994, aafscheid genaome van Gerard Seelen as Vors Wienius en van Sjeng Vullings as Veurzitter van de Wien. 
De nieje Vors Han Koelen en de nieje Veurzitter Lei van Went ginge vanaaf det moment de Wienker vaerder trekke. 



<<< gank truuk nao de trio's van alle jaore


De Wien Venlo

De Wien Venlo

De Wien Venlo

De Wien Venlo

De Wien Venlo

De Wien Venlo

De Wien Venlo

De Wien Venlo