Trio 1993:

Prins Bas I Bossink

Adjudant Chris Visscher

Adjudant Marc Beerkens

Vors: Gerard Seelen
Veurzitter: Sjeng Vullings

De Wien Venlo
 
Lièfspreuk:

De vastelaovend is d’r weer, d’n tièd van joeks en van plezeer,
Met óg onder ‘t motto: "wie gekker, wie leever" 
en met dae wièze Raod van Elf, geit det wie van zelf.
 
Neteurlik is ut leuk um nao eine gas jaor nog ens truuk te dinke aan dien Prinsschap beej ein vereiniging as ós aller Wien. Ein vereiniging wao-se as Prins, gruuëts op meugs zien um dao Prins te zien gewaes. 
 
Ut waas veur ós, mien adjudante en ik, ein grandioos gebeure wao weej toch nog waal ens aan truuk dinke, met name aan de groeëte resepsie en de groeëte zitting in de Maaspoort. Eine volle zaal en prachtige artieste, waat wilse as Trio nog mièr!
 
Op de resepsie kump dan de kaegelclub, wao ik lid van bin, dich fillisitere, de zoels zegge: niks aparts, maar as-se dich dan ein verke kado doon, dan kins-se gerös zegge det det ein aparte belaevenis is. Ik vraog mich noow nog waal ens aaf: ”Waorum kreeg ik ein verke???”. 
  • Info: Bas is penningmeister beej Kaegelclub “Kei-Um” en daorum kreeg hae as kado ein laevend verke, det waas verkleid as spaarverke
Ouk de aovende met de vastelaovend in ós residensie Grand Kefee Maagdenberg ware schitterend, ein vol kefee en ein taofel wao weej neet vanaaf te houwe ware. Neteurlik de bezeuke nao  toen nog Auxiliatrix, Martinushaof, de Beerendonk en beej kranke thoès zien momente die ein Trio neet vergit. 
 
Ein dink meug ik neet vergaete um óg te vertelle (dit weite maar ein paar minse): ein naef, Rudy van miene adjudant Chris, geej weit waal, dae oèt Friesland, woeënde in Friesland in ut jaor det weej Trio ware en hae had beslaote um te trouwe. In ‘t sezoen had dae mich det al gezag. Ik zeg toen taege Rudy: "As dich geis trouwe en weej zien nog Trio, dan kóm ik nao Friesland".  Nörges mièr aan gedach, dao velt in juli ein kaart in de bus. En jaowaal huur, de broèlof waas in augustus. Ik d’n tillefoon gepak en ózze Chef du Protocol, miene vervanger, Wilfried gebeld ( Ik mót trouwes zegge, hae haet ós veurtreffelik verzörg!) Ik um det oètgelag en zag: "Waat vindse dao van?”. “Ja, mein jung, as dich dao haer wils, dan doon we det.” waas ’t antwaord.
 
Weej op dae bewuste vrièdaagmiddaag nao ein plaetske baove in Friesland gereeje, ós umgetrokke beej Rudy zien mooder en nao de resepsie, neteurlik in vol ornaat!!! Noow, leef Wienbölkes en Wienböl, det had geej mótte zeen. Ik heb nog noeëts eine volle zaal zoeë zeen kièke, ut waas werkelik schitterend! Nao de resepsie hebbe weej ós normale klofje weer aangetrokke en zien nao de broèlof gegaon. Die woort in ein ander plaetske gehalde en waas keigezellig! Ouk Frieze kinne euverwaeg met ein glaeske beer en Beerenburger, dao zien weej waal achter gekómme. Nao dae nach weinig geslaope te hebbe, meuste weej al vruùg truuk nao Venlo, want ik had de pech det ik ‘s zaoterdaags "late" had en um twieë oor meus werke. Op de truukreis waas ut hièl stil in d’n auto...
 
Kantteikening redaksie:

*Bas waas in 1987 Adjudant beej Prins Frans II. 
*Hae is ein jaor lid gewaes van de A.Z.- Kemissie, daonao woort hae weggekaap door de Joekskemissie.
*Bas is jaorelang sikkertaris in ‘t Bestuur van de Wien gewaes
*Bas waas jaore lid van de Raod van Elf en as Chef du Protocol waas Bas ‘ne punktuele begeleider van de Raod en van  
  vuuël Prinselikke Trio’s
*Hae is inkele jaore lid gewaes van de Midzomer-kemissie 
*Hae is nog steeds sikkertaris beej de Ald-Prinse.


<<< gank truuk nao de trio's van alle jaore


De Wien Venlo

De Wien Venlo

De Wien Venlo

De Wien Venlo

De Wien Venlo

De Wien Venlo