Trio 1992:

Prins Han I Koelen

Adjudant Wilko van Spankeren

Adjudant John Baur

Vors: Gerard Seelen
Veurzitter: Sjeng Vullings

De Wien Venlo
 
Lièfspreuk:

Maak dees daag joeks, jen en lol,
zoeëwie ‘t huurt as ‘ne echte Wienbol,
Laot ós maar schuùve, laot ós maar gaon, 
want veurdet geej ‘t wet, is ut weer gedaon.
 
Weej schriève ut jaor 1992. De Wien geit ‘t 25e laevesjaor in. Gen vastelaovesjubileum, maar waal ein Wienjaor met ein zilvere rendje, zoeëas vors Gerard Seelen det toen neumde. En weej ware gruuëts det weej det jaor veurop meugde gaon in dae schoeëne Wiener Vastelaovend.
 
Genaote, det hebbe weej en vuuël dinger zien ós beejgebleve en aaf en toe kièk-se nog waal ens nao die video’s, die toen gemak zien en kump alles weer baove driève. Zoeëas 't Prinsebal, groeëte resepsie en de prónkzitting, maar ouk ut Jeug-Roeëje-Kruuts, bejäördezitting (det meug se noow neet mièr zegge, ‘t is noow seniorezitting) en neteurlik de bezeukskes aan kranke minse thoès of in ein verzörgingstehoès, waat weej hiel gaer gedaon hebbe en neet hadde wille misse. 
 
Ouk hadde weej neteurlik nog det leedje "Laot ós noow maar schuùve", waat ik same met Mary van Leersum zóng en haos euveral wao weej kwame, zónge we det met de ganse koedeljach. 
 
En neteurlik geit zoeëwaat neet zónder de steun van de kemissies van de Wien. De minse, die vuuël werk veur ós gedaon hebbe, zoeëas vors Gerard Seelen, Chef du Protocol Bas Bossink. En sirremoniemeister Arno Bos en neteurlik neet te vergaete mien Raodskoempels van toen. Ein hoeëgtepunt waas op de groeëte prónkzitting, det waas ik haos vergaete. De mós noeëts tevuuël vertelle, want ik schien oeëts gezag te hebbe det, as ik eine kièr Prins meugde waere in de Wien, ik op enne kemièl de zaal binne woel kómme….ein aantal minse hebbe dezen druim dan ouk oèt laote kómme.
 
Kantteikening redaksie: 

*Han waas ièrder al lid van de Raod van Elf.
*Han haet in 1994 Gerard Seelen opgevolg as de nieje Vors Wienius. 
*Hae waas in 1985 Adjudant beej Prins John I. 
*Han waas lid van de  Technische Kemissie 
*Hae waas  zanger  van diverse bekroeënde Wien-leedjes.


<<< gank truuk nao de trio's van alle jaore


De Wien Venlo

De Wien Venlo

De Wien Venlo

De Wien Venlo

De Wien Venlo

De Wien Venlo

De Wien Venlo

De Wien Venlo