Trio 1991:

Prins Henk II Buskes

Adjudant Peter Bakker

Adjudant John van Leersum

Vors: Gerard Seelen
Veurzitter: Sjeng Vullings†

De Wien Venlo
 
Lièfspreuk:

Leef luuj, pak óg same hand in hand, 
zet óg zörg aan de kant 
Geneet van ’t laeve,maak vuuël lol en plezeer,
det zeen weej in De Wien zoeë gaer. 
 
Weej schriève ut jaor 1991. In dit jaor meuge Peter, John en ik ut prinselijke trio zien van V.V.”De Wien”. 
Mich is gevraog um inkele hoeëgtepunte op te schriéve. Die zien d’r netuurlik genóg. Maar inkele springe d’r toch duudelik oèt, as ik truuk kièk op det jaor. 
Ein van de dinger die mich altièd beej zien gebleve, waas det weej beslaote hadde um d’n intoch, veuraafgaonde op de Groeëte Resepsie in de Maaspaort, neet door te laote gaon. De raeje daoveur waas det op daen daag de Golfoorlog oètgebraoke waas en de meiste minse veur den tillevisie zoote. Weej vónde 't neet gepas um dan met mezièk en de erm umhoeëg door de straote te trekke. In de Maaspoort waas ut waal hièl drök, ut leek waal of de minse d’r oèt ginge um ut geweld efkes te vergaete. 
 
Ouk ein hoeëgtepunt waas ós straot. Weej hadde det jaor op de Helbaek, dreej Prinse, eine Adjudant en ein Boerebroëd, terwiel twieë Prinse ouk nog naeve-ein woeënde. Volges mich is dit nog noeëits veurgekómme. Det hebbe weej met z’n alle feestelik en met champagne taege de luchtepaol gevierd en ós straot had veer waeke lang eine andere naam: ‘Ut Prinsesträötje’. 
 
Vaerder waas dao nog ein leuke gebeurtenis det meschiens neet idderein wet. In det jaor waas Gerard Seelen nog ózze Vors Wienius. Hae had dan ouk ein ge-eikde vraog die idderskièr weer truuk kwaam. “Jónges, vindt geej ut nog leuk ?” Ós antwaord waas dan altièd. “Jao, Vors weej vinde ut nog leuk” Maar weej krege steeds mièr zin um met dees vraog wat oèt te haole. Zoeëas geej wet hebbe de Adjudante ouk eine scepter. Dees zien al jaore ein kosbaar bezit van de Wien. Iddere adjudant wuurt dan ouk op ut hert gedrök, bin net zoeë zunig op diene scepter as op dien eige laeve. Weej hebbe dees nao laote make en net onder de wienbol van die scepters ein stök in laote zage. Vlak veur ut Vlagstrièke stónde weej beejein in de gank van de Maagdenberg, dao vrooge weej aan ózze Vors: “Vors vindt geej ut nog leuk?" de Vors antwaordde spontaan "Jao, ik vind ut nog leuk". 
Op det moment noome mien adjudante eure scepter in de hand, keke de Vors aan en zagte; “Noow weej neet mièr" en houwde eure nep-scepter op de kast met eine knal dwars door midde. Noow, ik kin óg vertelle det ózze Vors roeëd, gael en greun woort en hae kós allein maar zegge, "dit vind ik neet leuk!" Weej hebbe um maar gauw oèt zien leid geholpe en de echte laote zeen. Hae reep: “Rot jónge”. As goodmaker en um nog ein biètje zalt in de wónd te struie, hebbe weej de gebraoke scepter laote opmake met blome en volges ózze Vors hink ‘t nog steeds op zien studiekamer. 
 
Leef minse: hoeëgtepunte en belaevenisse hebbe weej zat, ‘t Waas eine schitterende tièd en ik kós d’r waal ein book euver schriève. Dus sloèt ik aaf.
 
Kantteikening redaksie:

*Henk waas in 1986 Adjudant beej Prins Karel I. 
*Hae haet mièrdere leedjes veur de Wien geschreve. 
*Henk waas van 1983 wiés 2000 lid, en van 1994 wies 2000 veurzitter van de joekskemissie .
  Hae waas van 1989 wies 1993 veurzitter van de Jeugkemmissie die toen nog ónder de joekskemissie veel. 
*Hae waas in 1988/1989 lid van de Jubileumkemissie “De Wien 3 x 11 jaor
*In 2000/2001 haet hae de Galakemissie mei opgestart en vanaaf 1999 wies noow duit hae de seniorezitting in ’t jeughoés
  Maagdenberg regele.
*Vanaaf 2000 wies noow mak hae deil oét van de Midzomerkemissie.


<<< gank truuk nao de trio's van alle jaore


De Wien Venlo

De Wien Venlo

De Wien Venlo

De Wien Venlo

De Wien Venlo

De Wien Venlo

De Wien Venlo