Trio 1989:

Prins Lei I van Went

Adjudant Leon Bastiaans

Adjudant Bernard Seggelinck

Vors: Gerard Seelen
Veurzitter: Sjeng Vullings†

De Wien Venlo

 

Lièfspreuk:

Span hèrres, De Wien is 2 x 11 gewaore
gáns oèt spontaniteit gebaore.
Dit jaor gaon weej dae Jubileumwage trekke 
met ál dees fleurige Vastelaovesgekke!
 
Prins te meuge zien van de Wien is ein veurrech in alle opzichte, maar um dan ouk nog Jubileumprins te meuge zien, haet neteurlik waat bezónders en me mót dit dan ouk zoeë ervare! Ut ganse gebeure waas dan ouk in alle "optraejes" ein Jubileumgebeure, en zoeë zien d’r spesjale dinger gebeurd in dees periode, wao aan weej fijne herinneringe hebbe. 
 
Det waat mich ut meiste is beej gebleve, is det weej gezamelik, met Trio, Raod van Elf en Bestuur op de fiets (!) nao Auxiliatrix zien gegaon, um dao ós fillicitasies oèt te bringe aan eur Trio. Dao nao hebbe weej eine –stop- gemak beej Kefee de Kraal, um oètintelik oèt te kómme beej de femilie John Janssen aan de Kapt. Beswaeg, wao weej same met de Jubileumkemissie ein gezellige vergadering hebbe gehalde.
 
Maar ut spesjale aan dezen aovend waas, det weej totaal verras woorte door mien, helaas euverleeje, echgenote Rieky. 
Het had, same met inkele dames, ein kómplete cadi-wage ingerich op ut voetbalveld op de groeëte hei, ter huuëgte van de Poswaeg-Stalbergwaeg.  Heej stónd ózze vrachauto klaor met beer, saté, soep en stokbroeëd, zoeëdet ouk de inwendige mins versterk kós waere.
 
‘t Haet hièl waat veut in de aerd gehad um zoeëwaat gerealiseerd te kriege, want de hebs heej nl. vergunninge van pliesie en brandwaer veur nuuëdig !!! Neemus wis heej van en ‘t waas ein totale verrassing veur de ganse groep !  
Zoeë zuusse maar, det ein einvoudige gebeurtenis waat spesjaals kin waere ! 
 
Vaerder kin ik allein maar truuk kièke op ein geweldige periode, waoaan ik nog dök met gooje herinneringe truuk dink. ‘t Waas ein jubileumjaor met ein bezónder karakter, waat mich as ein moeëje tièd zal beej blieve. 
 
Kantteikening redaksie: 
*Lei is (door omstandighede maar kòrt) Veurzitter van de Wien gewaes. 
*Lei waas jaorelang  lid van de Technische Kemissie. 
*Vanoèt zien bloomebedrief haet Lei  beej hiel waat evenemente De Wien letterlik “opgefleurd” 
*Al-met-al waas Lei ózze Jubileum-Prins in det ónvergaetelikke 22e jaor van De Wien. 


<<< gank truuk nao de trio's van alle jaore


De Wien Venlo

De Wien Venlo

De Wien Venlo

De Wien Venlo

De Wien Venlo

De Wien Venlo

De Wien Venlo

De Wien Venlo