Trio 1984:

Prins Piet I Beckers

Adjudant Wilfried Siebert

Adjudant Huub Beeren

Vors: Gerard Seelen
Veurzitter: Sjeng Vullings

De Wien Venlo

 

Lièfspreuk:
 
Jónk en ald blief neet kald,
 Zing óg werm, erm in erm, 
‘t geit um de jen, neet um ‘t protocol, 
‘t is vastelaovend veur iddere Wienbol 
 
Wie ik in 1975 gevraog woort door ózze vors, in daen tièd Pieter Ebus, um adjudant te waere beej Prins Wil I waas ik al verras. Weej ware toen ut letste trio det beej Janssen van Woezik de groeëte resepsie kós halde, daonao zien weej nao de Prins van Oranje gegaon. ‘t Waas veur mich ein groeëte oètdaging in daen tièd.
 
Nog groeëter waas mien verbazing wie ik in 1984 as Prins woort oètgekaoze en heb mich ein waek bedinktièd gevraog. In ‘t begin heb ik det aafgewimpeld umdet ik Chef du Protocol waas. Oètintelik heb ik toch maar "jao" gezag, want ‘t is toch ein hièle ièr um as Prins gevraog te waere in zó’n vereiniging as De Wien. 
 
‘t Waas eine geweldige tièd met mien twieë adjudante Huub (Beeren) en Wilfried (Siebert). D’n tièd vloog… Beej bejäörde, gehandicapte, kindermiddaag, groeëte zitting en de groeëte resepsie, alles waas ein zièr groeët sukses en de zes waeke ware veurbeej veurdet weej d’r erg in hadde. 
 
Maar d’r waas waal ein kleine teleurstelling. De Prins van Oranje woort aafgebraoke en ‘t waas dus de letste kièr det “De Wien” dao de groeëte Prinserecepsie én Prónkzitting kós halde. As aandinke daoaan kreeg ik van de Vors op de Groeëte Zitting eine alde stool van de “Prins van Oranje” aangebaoje. 
 
Minse, ut waas einen tièd wao ik met alle plezeer op truuk kin kièke. 
 
Kantteikening redaksie: 
*Piet waas  jaorelang beej de Raod van Elf.
*Piet had dao-in  de functie van Chef du Protocol en waas eine deskundige begeleider van vuul Prinselikke Trio’s. 
*Hae waas ouk jaore  lid van de Joekskemissie.


<<< gank truuk nao de trio's van alle jaore


De Wien Venlo

De Wien Venlo

De Wien Venlo

De Wien Venlo

De Wien Venlo

De Wien Venlo

De Wien Venlo