Trio 1983:

Prins Frits I Peters

Adjudant Wiel Derkx

Adjudant Gerard Derkx

Vors: Gerard Seelen
Veurzitter: Sjeng Vullings

De Wien Venlo

 

Lièfspreuk:

Maak lol en plezeer,
en drink röstig óg glaeske beer,
Maar drink óg neet krank,
Dan halde weej de vastelaovesmotor op gank,
Met jónk en ald beejein in de Wien,
Zal ut good vastelaovend viere zien.
 
Hallo leef minse van de Wien, 
 
In dit stökske wil ik óg gaer ein paar dinger vertelle van miene Prinsetièd in ut jaor 1983. Nao de geheime kinnismakingsaovend, kwame weej neteurlik nog waal ens mièr in ut geheim beejein. Op d’n ièrste aovend veel ik, nao waat terrasjes te hebbe gepak, letterlik en figuurlik met de deur in hoès. De kinder van Gerard, die heejdoor wakker woorte, vertelde ze toen det ik eine zatte kollega-scheidsrechter van Gerard waas. Vanaaf dae kièr heb ik mich vaerder netjes gedrage.
 
Op ut Prinsebal hoort ik neteurlik beej de Raod van Elf te staon, wie altièd. As nep-Prins hadde ze miene zoon John gevraog en dae wis van niks. Einmaol oètgekómme meus hae eine envelop aope make en heej stónde, ouk veur um niej, de wäörd: "Ózze Pap".Aansloètend waas op zóndaag ‘t vlaghijse en ein fijne privé-resepsie beej de Maagdenberg. 
 
Eine moeëje daag waas ouk d’n intoch door de Wien met aansloètend de groeëte resepsie in de Prins van Oranje, die door erg vuuël minse woort bezóch, erg gezellig, maar vermeujend.
 
De groeëte zittng in de Prins van Oranje waas veur ós as trio ein belaevenis! Ut waas prachtig! In 1983 is de Groenborg in de Prinsestraot geäöpend en woorte weej gevraog um dao ouk eine aovend te verzörge. Ik waas toen, ondanks det ik ein griepspuit had gekrege, toch doeëdkrank, maar weej ginge toch nao die minse toe. 
De gansen aovend waas ut dao meigaon in de polonaise en neet effe röste, nae, d’raan! Ut water leep mich met straole oèt de muts, maar ik waas daags d’rop waal baeter! 
Fijne aovende ware ouk de bejäörde-zitting in ut jeughoès, erg gezellig en hièl dankbaar. Ouk de bezeuke aan bejäörde en kranke thoès of in ut gashoès en Auxiliatrix ware erg fijn um te doon. 
 
Ut hoeëgtepunt veur mich zelf waas miene 45e verjäördaag op vastelaoveszóndaag as Prins van de Wien! 
Mien hoès vol met 85 minse en daobeej ouk nog ós toenmalige hoèsorkès, "De Zwervers", onder leiding van ald-Prins Frans Wassen †. Wie ik mich tièdes dees resepsie bukde, um eine, van de Raod van Elf gekrege, laevende haan oèt de doeës te haole, scheurde mich ut ganse kruuts oèt de bóks ! Beej v.d. Broek haet Wim mich toen maar ein stök stóf d’r onder gezigzag, zoeëdet ik de vastelaovend toch nog door kós kómme !! 
 
Beej ut aaftraeje krege weej alledreej van ós maedjes Marly, Paula en Romy ein portret van eur zelf aangebaoje, as dank veur de prachtige vastelaovestièd, dae weej zónder hölp en steun-in-de-rök waal hadde kinne vergaete. Bedank! 
Ut aaftraeje van ós as trio woort verzörg door de Badmintonclub V.V.T. (Venlo-Velde-Tegele) Alledreej woorte weej umgetoverd in ein groeëte sjuttel en daonao aafgeveurd en waas ut aaf-en-oèt.
Daonao woort ik opgenaome in ’t College van Ald Prinse. 
 
Kantteikening redaksie: 
*Frits waas jaorelang lid van de Raod van Elf 
*Frits waas jaorelang  veurzitter van de Technische Kemissie.


<<< gank truuk nao de trio's van alle jaore


De Wien Venlo

De Wien Venlo

De Wien Venlo

De Wien Venlo

De Wien Venlo

De Wien Venlo