Trio 1980:

Prins Jos I Janssen

Adjudant Joop Kerkhof

Adjudant Alex Peeters †

Vors: Gerard Seelen
Veurzitter: Sjraar Klaassens†

De Wien Venlo

 

Lièfspreuk

Vastelaovend in de Wien, jao ken,
viere weej vol joeks en jen,
met zeeve sneeje mik in ein glaas
gaeve weej um duchtig gaas!
 
Beste minse van de Wien,
 
Nao hièl vuuël  jaore is ‘t veur mich nog altièd ein ièr um Prins te zien gewaes van dees fijne vastelaovesvereiniging. Weej hebbe um duchtig gaas gegaeve. En as ik zeg: "weej" dan bedoel ik op de ièrste plaats mien twieë adjudante Joop en Alex †, wao aan ik ein paar gooje adjudante had en netuurlik alle Wienböl en Wienbölkes, die ós toen door dae schoeëne vastelaovestièd haer hebbe gesteund. 
 
D’r is vuuël veranderd in de jaore, maar waat is blieve bestaon is dae fijne, vrindschappelikke geis, dae de Wien zoeë good in stand wet te halde. Vanzelfspraekend is ‘t ein veurdeil as de Wien enne gooje Prins en adjudante haet, maar det is neet de houfzaak. ‘t Zien juus die harde werkers achter de scherme, die zich zelf wegciefere en zich met hert en zeel inzette veur eur vereiniging. Inkele zelfs van ‘t begin aaf.
 
Det zien de echte "vastelaovesgekke", die ‘t klaor speule um de waore vastelaovessfeer in eur vereiniging in ière te halde, te beware en bewake. Simbolies neem ik dan ouk veur die luuj mien Prinsemuts deep aaf. Door eure werklös en det ónder leiding van eminente veurzitters en vorste, hebbe weej in ózze regeringstièd kinne genete van óntelbare festiviteite, zoeëas bals, zittinge, resepsies en zoeë vaerder. 
En zoeë is ’t nog altiéd ! 
 
Kantteikening redaksie: 
*Jos waas al ièrder Adjudant beej Prins Gerard I (1971)
*‘t Prinselik aaftraeje van Jos en zien Adjudante speulde zich toen (half november) in de residentie “Maagdenberg” aaf in 
   eine gezellig aangekleide zaal en in eine zièr joeksige sfeer met show, mezièk en danse, terwiel de minse veurnamelik 
   staonde aan de beertaofels zich köstelik ammezeerde. ‘t Waas dan ouk gen (zittende) Zitting, maar ‘t woort “Wien-festival 
   róndum ‘t Aaftraeje” geneump. Ein zier geslaag eksperiment! 


<<< gank truuk nao de trio's van alle jaore


De Wien Venlo

De Wien Venlo

De Wien Venlo

De Wien Venlo

De Wien Venlo

De Wien Venlo

De Wien Venlo

De Wien Venlo