Trio 1979:

Prins Martin I Holla

Adjudant Jan Timmermans †

Adjudant Frans Peters

Vors: Gerard Seelen
Veurzitter: Sjraar Klaassens†

De Wien Venlo

 

Lièfspreuk:

Al bis-se rièk, al bis-se erm 
Al bis-se jónk, al bis-se ald,
 Ós Wienerveur mak idder werm,
 Al is ‘t nog zoeë kalt. 
 
Wie ein "glad"-verloupe sezoen eindigde met ein "slippertje". Morrejen, waat waas det kald en glad dae winter van ’78 -’79. Ik zeen ós nog schravele naeve de gevels van De Helling in Blièrick, op waeg nao Sur Meuse wao det seizoen ‘t nieje trio zoel waere veurgesteld aan de Raod van Elf en Bestuur. 
 
De nieje Prins, det waas ik, en ‘t trio van det jaor (naeve mich mien adjudante Jan Timmermans† en Frans Peters) kós ‘t neet make um met ein of mièr gebraoke leejemaote óg veur te gaon in de vastelaovend van 1979. 
Spegelglad waas ‘t en snieë beej de vleet, de ganse winter lang. ‘t Waas zelfs zoeë erg det d’n intoch van Hotel Maagdenberg nao de Prins van Oranje meus waere ingekort en det d’r zelfs genne hiep veur ós koets stónd….. 
 
Desóndanks waas ‘t ein schoeën vastelaovessezoen, zoeë meine weej. Zoeë zuus-se maar det ouk ‘t waer de vastelaovesgeis en de stumming binne de Wien neet kepot kin kriege. Aafgezeen van ein flinke valpartie van Cobie op de Hertog Reinoudsingel, op waeg nao ‘t hoès van Jan† en Cobie Timmermans, wao weej meistal de aovende, of baeter gezag de nachte, aafsloote, zien weej vaerder aardig op de bein gebleve. 
 
Det kin van mich neet gezag waere euver ‘t slippertje det ik later in det jaor gemak heb. Wie det kwaam zal ik óg vertelle. In november ’79, tièdes de kleine zitting in de zaal van de Maagdenberg, waas dao ós "aaftraeje". 
Wie gebroèkelik kreeg ik beej dit aafscheid ein album aangebaoje met foto’s van ‘t aafgeloupe sezoen. Umdet d’r mièr minse ware die d’r gaer ens in woele kièke, heb ik in ein vlaag van totale verstandsverbijstering gezag: "Wae deze album ens in wil kièke, mót ‘s morges maar ens beej mich thoés aankómme, zoeë um ein oor of zes". 
 
Det waas aevel neet taege douvemans-oeëre gezag, want ‘s morges nao de Prinsebal 1980 kreeg ik de raekening geprissenteerd. Met behölp van ózze veurdeursleutel beej d’n buurman, sloop de Raod van Elf taege zes oor ‘s morges ós hoès binne en rammelde idderein met de sirremonie-meisterbel d’n bóch oèt.
Ze kwame foto’s kièke!!! Det hebbe ze dan ouk gedaon. Ónder ‘t genot van zelf meigebrachde bruuëdjes, eier, kóffie enz. ging ‘t foto-album van hand tot hand. ‘t Waas ónvergaetelik. 
 
Zoeë zuus-se maar desse, ouk in de vastelaoveswaereld, toch altièd maar weer op dien wäörd mós passe, zeker beej de jónge van de Raod van Elf, want as die dich eine hak kinne zette (in positieve zin euveriges) dan laote zeej det neet. Det waas ein van de veurvalle oèt mien regeerperiode wao ik met vuuël plezeer aan truuk dink . 
 
Kantteikening redaksie: 
*Martin waas vanaaf 1976 hiel vuuël jaore ein ziér aktief  lid van de Raod van Elf.
*Martin waas vanaaf de oprichting van de A.Z. Kemissie in 1976 wies 2005 veurzitter heejvan en noow nog steeds werkend lid. 


<<< gank truuk nao de trio's van alle jaore


De Wien Venlo

De Wien Venlo

De Wien Venlo

De Wien Venlo

De Wien Venlo

De Wien Venlo

De Wien Venlo