Trio 1976:

Prins Sjeng II Peters

Adjudant Hay Vullings

Adjudant Toen Haenen

Vors: Pieter Ebus en Gerard Seelen
Veurzitter: Jac Houben

De Wien Venlo

 

Lièfspreuk:

Jónge en ouk alde
Haor of glad d’r baove op
We gaon weer vastelaovend halde
Zit de Wien gerös op ziene kop.
 
  • Dit stökske is in 1999 nog door Sjeng zelf geschreve
 
‘t Waas rónd september of oktoeëber 1975 wie ik woort oètgenuuëdig um ‘s aoves ens langs te kómme beej Gijs v.d. Broek. Dao woort mich de vraog gesteld of ik d’r niks veur veulde um Prins van de Wien te waere…
Dit waas ein vraog wao zoeë maar gen antwoord op te gaeve waas en die vraog heel mich dae nach dan ouk oèt miene slaop! Daags daonao meus ik nao ‘t gashoès veur ein kleine operasie aan mien hand. Dao waas narcose veur nuuëdig. De vraog um Prins te waere haet mich toch waal erg bezig gehalde, want wie ik oèt die narcose beej kwaam, vroog de verpleegster mich, die toen deens had, of ik waat met de vastelaovend te doon had??? Schienbaar had ik tièdes de narcose hardop gepraot en messchiens zelfs al antwaord gegaeve…. Mien besloèt um Prins te waere stónd vas. ‘t Zeuke nao twieë adjudante waas ouk gen probleem. Meujlikker waas um dit alles geheim te halde.
 
Gelökkig ware de minse, die heejvan op de huuëgte ware, baeter bestand ‘n geheim te beware, dan taegeswaordig van minnige politicus gezag kin waere, want die leke wie ‘n zeef! 
 
De veurbereidingstièd waas ein zièr plezeerige periode; de vraog wie weej op zoele kómme waas zoeë opgelos… t leedje waomei de ièrste priès gehaold woort, hoot namelik: “Dich, dich en ik, det is same dieke mik" en umdet ik vruùger bekker bin gewaes, leek ut waal waat um ónder eine groeëte krintemik op te kómme. Um ós veur te bereide op ós oètkómme, hadde weej ós veur de prinsebal stiekum truuk getrokke. Dao kump de vors, de twieëlingbroor van adjudant Toeën (dae spraekend op um liek) taege. De vors gans in paniek:.."Toeën, det kins-se neet make !".   Miene prinse-tièd kinmerkde zich in twieë periodes, de ganse vastelaovestièd waas geweldig, wies aan de jaorvergadering. Dao trooj toen de ganse Raod van Elf (taeves bestuur) aaf en dit waas veur mich as regerend Prins neet zoeë leuk.
 
Wie ós aaftraeje doeënd’r beej kwaam, heb ik met mien adjudante aafgespraoke, det weej d’r alles aan zoele doon um de leeje neet de dupe te laote waere van dit bestuurskonflik en d’r veur te zörge det dezen aovend ein waerdig aafscheid zoel waere. Ós aaftraeje stónd in ut teike van tandtrekke. Adjudant Hay en óndergeteikende meuste namelik tièdes de vastelaovesdaag nao de tandarts um van tandpien verlos te waere…De Technische Kemissie, die veur ós oètkómme vuuël werk gedaon had, verlieënde ouk noow de volle meiwerking, zoeëdet dezen aovend zièr geslaag waas, kómpleet met eine nieje Raod van Elf.  
 
Kantteikening redaksie: 
*In dit jaor (1976) woort-er eine van bekker Piet de Keuning, Prins van de Wien (Sjeng Peters). 
*1976 waas ouk ‘n braekpunt in De Wien. Sjeng (met zien gevolg) makde,  as Prins in det “dipjaor” van De Wien, beej zien
  aaftraeje eine ganse nieje Raod van Elf met eine nieje Vors mei,  ten opzichte van zien moment van oètkomme. 
*Sjeng II waas euveriges d’n ièrste Prins van De Wien, dae zien groeëte Resepsie in eine euvervolle “Prins van Oranje”
  (nog nét op ‘t Landgood Maagdenberg) meugde belaeve.


<<< gank truuk nao de trio's van alle jaore


De Wien Venlo

De Wien Venlo

De Wien Venlo

De Wien Venlo

De Wien Venlo

De Wien Venlo