Trio 1974:

Prins Sjeng I Vullings†

Adjudant Thei Peeters †

Adjudant Herm van Wylick

Vors: Pieter Ebus
Veurzitter: Pieter Ebus

De Wien Venlo

 

Lièfspreuk:

Laot alle zörg in de kas 
Die zien ós noow allein tot las 
Maak jen en lol, det is gezónd 
Veural op Wiener-vastelaovendgrónd 
 
Gevraog ein stökske te schriève euver ‘t jaor wao-in weej de ièr hadde um Prins van ós Wien te meuge zien, wil ik gaer meiwerke. ‘t Jaor waas 1974, aoliecrisis, autoloze zóndaag. Weej zien dan ouk oètgekómme as aoliesjeiks. 
Maar veurdet weej ‘s aoves oètkwame zien weej ièrs, op persuuënlik verzeuk, ‘s middaags bekind gemak aan de Raod van Elf in Sur Meuse. Det is idderein zièr good bevalle en noow nog steeds start ’t nieje trio op d’n daag van ‘t oètkómme met veuraaf boeremoos met braodwors aete met de Raod van Elf en ‘t bestuur.
 
Daags nao ’t oètkómme en ‘t vlagheise, hadde weej privéresepsie thoès, 2 orkeste, ein in de keuke en ein in de kamer, De Zwervers en “Die Lustige Dorfsmuzikanten” o.l.v. Frans Halferkamps. Alles beejein kwame d’r zó’n 130 persoeëne op de resepsie. Onder, baove op de trap, euveral zoote ze !  Ein gelök waas, det de toenmalige Chef du Protocol Gijs v.d.Broek de confetti had zeen staon en dae in de ganse kamer oètstruide. “zoeëdet d’r niks kós gebeure”, zei Gijs? 
Eine schitterende tièd, allemaol die resepsies aafgaon. Hoeëgtepunte veur ós ware ‘t Jeugroeëje Kruuts, kranke en bejäörde minse bezeuke. 
Ouk meus me perbeere Wien-plaetjes te verkoupe, we ginge nao de kefees en perbeerde ze dao te sliete. Resultaat: mièr geld zelf oètgegaeve aan rundjes, dan det we in kóste bringe veur de Wien !!! 
 
Kantteikening redaksie: 
*Op initiatief van Sjeng is ‘t inderdaad vanaaf 1974 ein traditie gewaore, det ‘s middaags véur ‘t Prinsebal, Raod en Bestuur
   en iéreleeje op ‘n (idder jaor weer ánder) geheim adres kinnis make met ‘t nieje Trio. 
* Sjeng waas jaorelang lid van de Raod van Elf. 
* Sjeng waas ouk jaorelang veurzitter van de Technische Kemissie. 
* Vanaaf 1982 wies 1994 waas Sjeng Veurzitter van v.v.“De Wien” en is daonao tot Ière-lid van de Wien beneump. 
* Hae waas auk jaorelang veurzitter van ’t Collega van Ald Prinse.


<<< gank truuk nao de trio's van alle jaore


De Wien Venlo

De Wien Venlo

De Wien Venlo

De Wien Venlo

De Wien Venlo

De Wien Venlo

De Wien Venlo