Trio 1972:

Prins Frans I Wassen

Adjudant Wim Daemen

Adjudant Sjraar van den Broek

Vors: Jac Houben
Veurzitter: Jac Houben

De Wien Venlo
Lièfspreuk:
 
Houw duchtig op de kis, doot gek en maak ’t bónt
Maar hald zièr beslis, allebei de bein op de grónd
 
  • dit stökske is indertiéd door Frans zelf geschreve in 1999:
 
t Veurrech um de vièfde Prins te zien in de Wien euverkwaam mich in 1972. De toenmalige Vors Wienius, Jac Houben zaliger, dae mich toen vroog, zag det hae ‘t met mich as Wienerprins waal zoog zitte.  Wie ik mien adjudante Wim Daemen en Sjraar v.d. Broek ièrs zelf had gevraog, hebbe weej met ós dreej de groeëte stap gewaog. 
Um te zörge det neemus d’r achter zoel kómme zien weej drek zelf met alle veurbereidinge begónne. 
De ruumtevaart en de landing op de maon ware pas begós. Daorum hadde weej ós beej de opkóms as ruumtevaarders oètgedos.  De verleechte parkièrplaats opkómme, vanoèt de duustere Schwarzenbergstraot, dao-euver is door idderein nog lang naogepraot.
 
‘t Inzaegene van de vastelaovend, door ‘t hijse van de vlag,  hebbe weej in ein oerkónde vasgelag, ouk veur ’t naogeslach. Iddere Prins waas vanaaf det moment eigelik ein bietje gedwónge daags nao prinsebal offisjeel de Wienvlag te hijse, waonao dan ‘t "Lek Lek Lek" woort gezónge.  Zoeë is toen ein Wienertradisie óntstaon, die wies op d’n daag van vandaag,  zij’t waát oétgebreider,  nog altièd wuurt gedaon. 
 
D’n intoch in ein riejtuug met twieë paerd waas prachtig en bes waal de meujte waerd. Genaote hebbe weej van daen optoch door de buurt en zoeë as ‘t zich beej dit soort gelaegenhede huurt, hadde ze veur de raodsleeje ouk iets aparts gedaon. Die meuste neet op eine wage, maar in ein paeper-en-zalt-stelke van de gemeinte staon. 
 
‘t Aaftraeje woort gans in ‘t teike van de wintersport gedaon. Weej woorte in ein spesjaal verveurmiddel weggebrach.  Det haet daonao nog deens gedaon veur de leeje van de raod.  Die reeje toen in de "ièrste aope Wienerraod-sleije-autobus" door de straot. Al met al waas ‘t eine schoeëne tièd det ik Prins van de Wien waas, daovan heb ik genne spièt.
 
Kantteikening redaksie: 
*Frans waas, vanaaf ‘t gebaortejaor van de Wien, leider van hoésorkes “De Zwervers”, die wies 1996 ónder zien leiding De Wien altièd muzikaal begeleid haet. 
*Frans waas met zien Adjudante d’n initiatiefnemer van ‘t vlaghijse, wies op d’n daag van vandaag ein jaorliks truukkómmende Wien-traditie. 
*Frans haet ouk vuuël Wien-leedjes gekómponeerd en gezónge.
*Frans waas beej de opname van de leedjes wies 1996  altiéd muzikaal leider van ’t Wienkoér. 
*Hae waas jaorelang lid van de Raod van Elf.


<<< gank truuk nao de trio's van alle jaore


De Wien Venlo

De Wien Venlo

De Wien Venlo

De Wien Venlo

De Wien Venlo

De Wien Venlo