Trio 1970:

Prins Pieter I Ebus

Adjudant Gerard Frank

Adjudant Ernst Rutten

Vors: Jac Houben
Veurzitter: Jac Houben

De Wien Venlo

Lièfspreuk: 

‘t Zien neet de cente,  die ós dit laeve laote laeve
Maar waal de hoeëge rente, die ós  lol en jen gaeve 
 
Hièl vuuël jaore, wies 1970, mót ik truuk gaon, um mich mien regeringsperiode beej v.v.“De Wien” weer in mien inmiddels blond köpke veur de geis te haole. As indertiéd jóngste Prins van 25 jaor, nog neet getrouwd en nog steeds thoès woeënende in de Wien en mich volop verbónde veulende met ‘t totale vereinigingslaeve, vroog ik mich aaf, of ik det waal aan kós. Ik had mich aevel niks aaf te vraoge en woort dus toen de 3e Prins met véúr mich de "groeëthede" Jan Christis en Gijs v.d. Broek.
 
En as ik dan zoeë truuk dink, dan is met name de hechtheid van de ganse gemeinschap, waat mich toen is opgevalle en waat weej op vandaag toch ein hiel stök mótte misse. Op vrièdaagaovende, nao de koeërrepetisie,  waas ‘t vol, op zaoterdaagaovend waas ‘t vol en met name op de zóndaagmorge, nao de hoeëgmis van half 10,  woort ‘t vol. Dan ware alle geledinge oèt de Wien beej Jansse van Woezik, óngeach rang en stand. D’r woort gekaart, gezónge, gealdehoort en oéteraard vuuël geklep.
 
De Wien waas vanaaf ‘t begin ein begrip en is det nog steeds. Det Venlo “De Wien” ein biezónder werm hert toe druuëg is volkóme terech. 
Mien adjudante van toen ware Gerard Franck †, de aktieve dirigent van ós koeër en dus ouk eine man oèt de gemeinschap en Ernst Rutten, kantoeërhalder van de Boerelieënbank, dae hièl dök zien gezich leet zeen op de Maagdenberg. 
 
Met plezeer kièk ik truuk op mien regeringsperiode en bin ik bliej en gruuëts eine echte Ald-Prins te meuge zien.
 
Kantteikening redaksie: 
*Pieter volgde Jac Houben op as Vors/Veurzitter van v.v.”De Wien” van 1973-1976. 
*Hae is van 1988 wiés 1996 veurzitter gewaes van ’t College van Ald-Prinse. 
*Pieter waas van 1970 wiés1981 lid van de Wienkepel.
*Waas lid van de Hofzengers o.l.v.Gerard Franck † van 1968 wies ca.1972.
*Van 2006 wiés noow nog steeds lid van de Midzomerkemissie.


<<< gank truuk nao de trio's van alle jaore


De Wien Venlo

De Wien Venlo

De Wien Venlo

De Wien Venlo

De Wien Venlo

De Wien Venlo

De Wien Venlo

De Wien Venlo