Trio 1968:

Prins Jan I Christis

Adjudant Piet Wetjens

Adjudant Lou Borremans

Vors: Jac Houben
Veurzitter: Jac Houben

De Wien Venlo

Lièfspreuk:

Douw maar op dae gaaspedaal 
Laot de knalpièp knalle, maak kebaal, 
Spring, hos en dans óg laeg 
Maar beriej de rechte gooje waeg.
 
De herinnering leet mich nog vers in ’t geheuge.. In 1967 nao de rippetisie van ‘t Kerke-koeër zoote weej met ± 5 persoeëne aan de stamtaofel in Hotel Maagdenberg beej Piet Janssen†, wie weej ózze gedachte leete gaon um ein vastelaovesvereiniging op te richte. Baer v.d.Meij †, Jeu Titulaer † en Lei Seelen † nome ’t initiatief en binne ein waek waas ’t ein en ander rónd met eine Vors en Raod van Elf. De Vors makde toen ouk deil oèt van de Raod en de Raod van Elf waas taeves bestuur.
 
Inkele maonde nao de oprichting woort mich gevraog um de ièrste Prins te waere. Det waas gen inkel probleem en daezelfde daag had ik al mien adjudante, Piet Wetjens en Lou Borremans. Same met adjudante en vors, indertiéd Jac Houben, hebbe weej verschillende eurkes gezellig alles op puuët gezatte. 
In jannewari 1968 woort op zaoterdaag prinsebal gehalde en de resepsie op zóndaag in de Maagdenberg, wao de gaste in ein lange rié boète stónde te wachte wies ze aan de beurt ware um te felisitere.. 
Vanaaf toen wies de dreej dolle daag hebbe weej s’aoves vuuël bezeuke meuge bringe, meistal met begeleiding van ’t toenmalige hoésorkes “De Zwervers". In daen tiéd is in Venlo ouk de ièrste joekskepel opgerich ónder de naam "De Wienkepèl". Beej De Wienkepèl woort ‘t veurtouw getrokke door de Zwervers, met aanvölling van inkele Wienleeje, waovan ik zelf ouk deil oèt meugde make. 
v.v. De Wien bestônd oèt verschillende èchte "gekke" ( in de zin van vereinigingsgekte ). Iddere vereiniging die good wil dreie zal zeker vereinigingsgekke mótte hebbe. Daorum löp de Wien ouk noow nog altiéd op rölkes. 
Ik bin bliej det ik ut veurrech heb, um dit nog altiéd mei te meuge make, waat, jaomer genóg, van mien adjudante en de ièrste vors neet mièr gezag kin waere. 
Tot besloèt wins ik de Wien nog vuuël gooije jaore toe.
 
 
Kantteikening redaksie: 
 
*Jan woort op 13 jannewari 1968 oètgeroope as ièrste Prins van de Wien. Wies op d’n daag van vandaag, wuurt
  hae nog altièd gezeen as de Mentor van àl ós Prinse. 
*Jan waas 9 jaor lid van de allerièrste Raod van Elf en dus ouk de iërste nege jaor bestuurslid van de Wien.


<<< gank truuk nao de trio's van alle jaore


De Wien Venlo

De Wien Venlo

De Wien Venlo

De Wien Venlo

De Wien Venlo