P & P kemissie

Beej dees wille weej óg efkes oèt de deuk doon waat de P&P inhelt.
Dees kemissie haet tot taak um de vereiniging nao boète te prissentere en te promote. Ze besteit oèt 9 leje, wao-ónder ouk de fotograaf van de vereiniging.
Weej verzörge de communicatie binne de vereiniging as waal nao boète. Weej zörge veur affiches, entreekaarte, oètnuuëdiginge en programmabukskes. Weej halde de hoesstièl in de gate, dus alles waat met letter en pepeer te make haet. Ouk halde weej de website van de Wien beej, zörge ouk veur de persberichte in de krante en de berichte op de Stadsumroop.

Ós vereiniging guf ouk eine kièr per jaor ein groeët vereinigingsblaad oèt, genaamd "De Alde Feep". Dit blaad besteit oèt 96 pagina’s binnewerk en eine umslaag. Gedeiltelik oèt advertensies, tekspagina’s, (kwatsverhäölkes, möpkes e.d) foto’s van alle evenemente binne De Wien, de nieje leedjes en alles euver de nieje Prins en zien Adjudante. De Alde Feep guf ouk eine redelikke weergave van waat d’r zoeëal speult in ós vereiniging De Wien. De Alde Feep wuurt gans door ós kemissie inein gezatte. De verspreiding van De Alde Feep hebbe weej ouk zelf in de hand.

Vaerder zette weej ein fotoalbum inein, waat wuurt aangebaoje as de Prins van de Wien aaftraejt. Heb geej vraoge, bel ós dan gerös.

Historische gegaeves euver de P&P:

Beej de oprichting van Vastelaovesvereiniging de Wien in 1967, woort d’r ouk de Pers- en Propagandakemissie opgerich. De ièrste veurzitter waas Louis Borremans †.
De redacteur van de Alde Feep waas Baer van de Mey † van 1967 wies 1978.

De opvolgers van de ièrste veurzitter ware respectievelijk:
Wiel van Aarssen, Alex Peters †, Ans Seelen en Anneke Vullings.
Lei Knoops haet ‘t veurzitterschap in 1997 wies 2012 euvergenaome van Anneke Vullings. Vanaaf 2012 is Leon Helgers ózze veurzitter.
De ièrste Alde Feep woort oètgebrach in jannewari 1968, wie Jan Christis de ièrste Wienprins waas.
In ’t 22-jäörig jubileumjaor van 1989 woort d’r ein extra jubileum-oètgave van de Alde Feep oètgegaeve.
Beej ‘t 33-jäörig bestaon van de Wien in 2000 woort ‘n Jubileumbook oètgegaeve.
In dit jubileumbook staon alle prinse t/m ‘t jaor 2000, en ‘n stökske veurgeschiedenis van de Wien beschreve.

In oktoeëber 1999 woort d’r veur d’n ièrste kièr ein Info-bukske oètgegaeve. Heej in stónd alle informatie euver de kemissies van de Wien en ouk euver de programma’s zoeëas ze idder jaor gehalde woorte. De bedoeling van dit bukske waas um mièr reklame veur de Wien te make en dao door mièr leje te kriège. Dit bukske waas de veurluiper van de Wienwièzer.
Noow wuurt de Wienwièzer jaorliks twieë kièr oètgegaeve, d’r waas duudelik behoefte aan
mièr informatie euver de evenemente en de programma’s.
De naam van de Wienwièzer is door middel van ein oètgeschreve wedstrièd verkrege en door Gerard Seelen gewónne.

Ein belangrièke umschakeling veur de Alde Feep waas ‘t jubileumjaor 2000.
Ièrs zoel allein veur ‘t jubileumjaor ’t formaot gewièzig waere.
Maar umdet dit met drökke kostebesparend en hanteerbaarder waas, zien weej beej deze gruuëtte gebleve.

Medio 2008 woort d‘r beslaote ein nieje en moderne website te make.
Nao inkele vergaderinge en gesprekke, stelde ‘t bestuur ein budget beschikbaar.
Drökkerie Knoops kreeg de opdrach um ein nieje opzet heejvan te make.
Op 26 november 2008 ging deze nieje website de lóch in.
Jos Alberts woort as ierste webmaster aangetrokke.

In 't jaor 2012 ging de Wien pas ech digitaal. De Wienwièzer kwaam te vervalle en woort vervangen door de digitale nieuwsbreef. Ouk is, op initiatief van Chris Munten, het meugelik gemak dat on-line kaarte veur de evenemente besteld kóste waere en betaald.

De huidige leje van de P&P zien:

  • Leon Helgers, veurzitter en persveurlichter
  • Lei Knoops, vice-veurzitter en drökwerkspecialis
  • Harriëtte Buskes, sikkertaresse en vertaalster
  • Elise Gaspersz-Burks, penningmeester
  • Monique Baur, archivaris
  • Marc Geraeds, drökwerkspecialis
  • Karel van der Randen, Vastelaovesmis
  • Ralph Roodbeen, Social Media
  • Toos Stroeken, webmaster
  • Anja Hendrix, fotografe

Contactpersoon: Leon Helgers
Functie: Veurzitter
Telefoon: 077-3511784
E-mail: leonhelgers@home.nl 



 

Advertentiekoste De Alde Feep: 
    zwart/wit        kleur
1/6 blaad     40,00     55,00
kwart blaad     60,00      80,00
1/3 blaad     70,00     95,00
half blaad      80,00   115,00
2/3 blaad   100,00   145,00
gans blaad   120,00   200,00
umslaagblaad binnekant
gans in kleur
      235,00
umslaagblaad boètekant
gans in kleur
      280,00
 
Alle prieze zien zónder btw
             
            

 

 

 

 

 

 

 



Poskamer Kemissie

De Poskamer is ein subkemissie van P&P die neet hoof te vergadere. Weej doon gewoeën ós werk veur de vereniging.

De Poskamer is in 1984 opgerich met as doel um veur ós vereiniging koste te bespare door zelf de pos te bezörge. In ut begin ging ut um ein groeët aantal kièr det weej d’r op oèt meuste maar taegeswaordig is det ein stök minder gewaore door det in 2002 de Wienwièzer woort ingeveurd.

Heej in staon alle evenemente zoeëdet dae maar 2 kièr per sezoen hoof te waere bezörg. Dao naeve beej zien d’r nog waal ein aantal breve die weej doon bezörge. Al met al geit 't um eine kièr of 6 det weej in aksie kómme.

Weej werke as volg:
D'n drökker bezörg alle stökke beej de Poskamer. Die doon alles in enveloppe, veurzeen die van ut adres en sortere ze vervolges op poskode. Dan levere zeej de pakke enveloppe beej de bezörgers in de wièke, die dan de res doon.

De Poskamer telt op dit moment 10 leje, die verdeild euver 6 wièke d’r veur zörge det alle leje, donateurs en wae zoeëal nog mièr, snel op de huuëgte zien van al waat De Wien eur wil laote weite.




De Wien Venlo

De Wien Venlo

De Wien Venlo

De Wien Venlo