Jeugtrio 2013:

Prinses Lorena I Storm

Adjudant Loes Jeucken

Adjudant Juul Haenen

Vors: Giel Thissen
Veurzitter: Marc Verheyden

Leef Wienbölkes en Wienböl,

 

Geheim oètrope.

Weej woorte opgehaol en krege ein maske op. We mooste op ‘nne stool gaon zitte en ’t waas muuskes stil. ’t Groeëte Trio kwaam ouk. We woorte ouk door eur óntmaskert en toen waas ’t ein groeët fees.

 

De Jeugjoeksaovend.

’t Waas bes spannend, weej ginge gewoeën in raods kleijer mei. Effe later traoj ’t alde trio aaf en nemus wis nog wae ’t nieje trio waas. We woorte umste beurt op ózze rök getik en mooste nao boète en in eine hièle groeëte doeës gaon zitte, det waas waal ’n bietje ing. Toen woorte we nao binne gebrach en kwaame weej as niej trio oèt de doeës

 

Jeugmiddaag en reseptie.

We mooste in de zaal gaon zitte en effe later kwaam kloon Japie. Dao hebbe we hiel dök de polonaise gedans ouk met de kleinere kinder. Wie ’t aafgeloupe waas ginne we baove aete. Nao ’t aete begós ózze resepsie. Ós femilie, vrinde en kinnese kwame en nao aafloup hadde we ‘nne ganse doeës vol met kedootjes.

 

H.Mis, intoch en groeëte resepsie.

Weej gine nao de Femiliekerk veur de vastelaovesmis. Prins Nik en Prinses Lorena meuste dao veurlaeze en d’r woort ouk gezónge. Toen de mis aafgeloupe waas ginge we nao boète veur de intoch, det woort maar eine korte want ’t waas hièl kald en ’t snieëde hièl erg, d’r ware ouk maar weinig minse naeve de kant.

Nao de intoch begós op De Maagdenberg de resepsie van ’t groeëte trio.

 

Resepsie, Kwas, Poortjes en fees beej Lorena.

We ginge nao de Kwas en dao meuste we hièl lang wachtte veur weej aan de beurt ware um ’t filisitere, daonao ginge we nao de Poortjes, wie we dao klaor ware ginge we nao ’t hoès van Lorena want het waas jäörig en det waas ‘nne verrassing. ’t Groeëte trio waas d’r ouk en ’t waas ein groeët fees.

 

Sjampanje ontbijt en Blièricksendaag.

’t Sjampanje ontbijt waas beej Hoeëgheid Nik thoès, we ginge dao te voot haer en hebbe dao heerlik gemiecheld. Daonao met de bus nao Blièrick um de Wortelpin te filisitere. Waas eine hièle gezelligen daag.

 

Vastelaovend op schoeël.

We ginge nao de baovebouw van de Greunveldschoeël dao meuste weej ’t podium op en waat zegge. Daonao nao de créche van Pinokkio, zeej hadde ’n twieëspan. Dan meuste we weer snel nao de ónderbouw van de schoeël um met de kinder te danse en polonaise te loupe, Toen nao de schoeël met de Bijbel, want dao zit Loes op schoeël, die hadde ouk ’n trio en dao hebbe weej met gedans.

 

Resepsies.

Weej mooste ouk nog nao de resepsie van Jocus Toekoms, Moeraskwakers en Madsonklub, det waas allemaol waal leuk um te doon.

 

Jocus Pocus optoch.

Weej kwame beejein in ‘t Ald Weishoès, daonao lepe weej d’n optoch langs ’t stadhoès wao de stadsprins stond.

 

De brunch en vlagstrièke.

Det waas de letsten daag, vastelaovesdinsdaag die weej begóste met ‘nne brunch op De Maagdenberg, wao weej heerlik hebbe gegaete.

’s Aoves waas ’t haos zoeë wièt, maar ièrs nog effe feeste op de taofels, toen mooste we nao boète same met ’t groeëte trio um de vlag te strièke, det waas ’t ind van de vastelaovend maar daonao hebbe weej toch nog waal ein feesje gebouwd.

 

Jeugtrio, prinses Lorena I, adjudante Loes en Juul



<<< gank truuk nao de trio's van alle jaore