Jeugtrio 2012:

Prinses Myra I Wekx

Adjudant Michelle Hekking

Adjudant Tammy Peters

Vors: Giel Thissen
Veurzitter: Marc Verheyden

19 jannewari 2012
Geheim oètroope
Weej woorte opgehaold door minse van De Wien. Toen mooste weej ein masker op en zien weej nao Myra's hoès gegaon. Maar det wiste weej toen nog neet! De prins en zien adjudante kwaame ouk en door eur woorte ós maskers aafgezatte. Toen waas d'r nog ein groeët fees.

20 jannewari 2012
0ètroope van ós trio 2012
Vandaag gaon we met meuge ouge en vuuël zenuwe nao schoeël! We mooste gewoeën in ózze raod van elf kleijer nao de Maagdenberg gaon, want neemus wis det weej 't nieje trio ware. We stónde met z'n alle op de buun toen 't alde trio ging aaftraeje. Toen kwame ós vaders verkleid de buun op en neemus wis wae zeej ware.Toen leepe de vaders nao eur dochters toe en wis idderein wae 't nieje trio waas. We krege de mantels en de heud en de septer woort ós in de hand gedouwd en toen kós 't fees beginne!

2l jannewari 2012
Resepsie en jeugmiddaag
Vandaag waas de resepsie. Al ós femilie kwaam, hièl vuuël kinnisse en andere vastelaovesvereiniginge. We krege hièl vuuël snoep, kedootjes en geld. We hebbe de ganze aovend waat aafgekös. Met pien in de bein mooste weej bliève staon maar dao hebbe we waal eine leuke aovend veur truuk gekrege. Veur de resepsie waas de jeugmiddaag. Clown Japie kwaam en we hebbe hièl dök de polonaise geloupe met Clown Japie. Morge gaon we alles deile beej Michelle thoès en dan lekker oètröste met waat snoep d'r beej.

29 jannewari 2012
Hoeëgmis, optoch en resepsie van prins Frans III met zien adiudante Herman en Paul

We begóste 's morges vruug met de hoeëgmis in de kerk van de Maagdenberg (veur de letste kièr helaas. . .). Prinses Myra moch 'n gedich veurlaeze. Daonao hadde we optoch van De Wien. We mochte op eine hièle groeëte wage staon! Det waas hièl erg leuk maar ouk hièl erg kald! We hebbe snoep oètgedeild! Nao d'n optoch ginge we nao de resepsie van de groeëte Prins en zien adjudante.

12 fibberwari 2012
Bliericksen daag & sjampagne ontbijt
't Sjampanje ontbijt waas beej de Blauwe Trap. Weej hebbe dao lekker gegaete en gedrónke met 't groeëte trio en zien gezelschap. Met volle boèk gaon weej de Bliericksen daag in. We hebbe hièl vuuël resepsies bezoch, det waas kei-leuk! Ós allerièrste resepsie waas dae van Scouting Manresa. Daonao nao De Kwas. Daonao nao De Peurtjes en vandaag nao De Wortelepin in Blierick en nao de Vaegers. Allein nog maar Jocus Toekóms en de Moeraskwakers. Alle resepsies ware hièl gezellig. Op 't lets leepe weej krómp van de zwaore medaljes.

17 fibberwari 20l2
Schoeëlendaag en kinder-optoch
Vandaag zien we op schoeël gewaes. Ièrs ginge we nao de groepe 5 t/m 8. Dao waar neet zoeë vuuël te doon. Daonao zien we nao de crèche gewaes en 't prinsesje met zien prins ware hièl erg schattig! Toen nog nao de groepe 1 t/m 4. We hebbe dao waal veer leedjes achter mekaar de polonaise geloupe.

19 fibberwari2012
De kinderoptoch
Weej mooste ós verzamele beej 't Ald Weishoès. Daonao leepe we met de raod gezellig met de optoch mei. Veur ós leepe de dansmariekes met ós mei en weej kwame d'r feestend achteraan. Met ós kerke vol lekker aete hebbe weej de kinder langs de kant lekker verwind met al det lekkere snoep. Op 't ind van de optoch stond 't trio van de Jocus ós op te wachte.

21 fibberwari 2012
Vlagstrièke
De letsten daag kwaam d'r aan. In 't begin van de middaag gaon weej met z'n alle lekker brunche beej de Maagdenberg. Toen weej lekker hadde gegaete, ginge we nog effe de stad in. Nao waat gefees te hebbe, brook de aovend langzaam aan; 't waas haos zoeëwièd. Um 12 oor s' nachts ginge we met z'n alle nao boète, met ein paar präötjes woort de vlag gestreke door prinses Myra I en prins Frans lll. Daonao hebbe we nog ein feesje gebouwd en toen... waas 't veurbeej.

Ós bedankje
Nao 7 jaor ware weej weer ein keileuk, gezellig en stoer maedjestrio! Weej wille gaer de minse bedanke die de ganse vastelaovend met ós mei zien gegaon. Zoeëas ózze vors Giel Thissen en ózze sirremoniemeister Maikel Vervoort en ós schoeëne dansmariekes die de ganse vastelaovend met ós hebbe mei gehuppeld. Maar netuurlik ouk ós leeve jeugkemissie!
Bedankt veur alles!!!

Vastelaovend same!!

Jeugtrio: prinses Myra I
Adjudante: Michelle en Thammy



<<< gank truuk nao de trio's van alle jaore