Jeugtrio 2008:

Prinses Charina I Beerkens

Adjudant Remi Peters

Adjudant Ron Gubbels

Vors: Brian Zwiggelaar
Veurzitter: Marc Houwen

Op de dónderdaag veur de jeugdisco vroog mien oma of ik mei ging. Ik zag maar jao , d’r zoel nog emus kómme en toen ging de bel ! Det waas Jacqueline van de jeugkemissie en ik dach waat kump het doon en toen woord mich verteld det ik in ‘t jeugtrio zoot. Daonao woord ik geblinddook en örges haer gebrach en dao woorte weej ónthöld, ‘t bleek beej ós thoès te zien. Remi Peters, Ron Gubbels en ik Charina Beerkens ware ‘t jeugtrio van 2008. Beej de bekindmaking waas de jeugkemissie en ‘t groeëte trio ouk aanwezig. Daonao ginge weej foto’s make beej Océ, det waas waal gezellig. Toen weej truuk ware waas ‘t nog volop fees beej Charina.

D’n daag daonao waas ‘t bes meuilik um de mónd te halde taege de kinder op schoeël, maar waal leuk. ’s Aoves waas de jeugdisco dao woorte weej officieel bekind gemak. In de zaal woort volop geraoje wae ‘t zal zien. Remi en Ron die ware waal te raoje maar prinses Charina vónde ze meuiliker um te raoje. De zaoterdaag daonao waas de jeugmiddaag. Dao waas clown Japie aanwezig, det waas erg leuk. De kleine kinder ware ouk hiel schattig en hadde de groeëtste lol. Nao aafloup van deze middaag ging de raod van elf en ‘t jeugtrio same frietjes aete.

Daen aovend hadde weej ózze eige receptie, ‘t waas hiel gezellig en weej krege ouk lekker vuuël cadeaus. De receptie waas lekker drök d’r ware vuuël minse, jeugtrio’s en kemissieleje. De zóndaag dao nao waas de receptie van ‘t groeëte wientrio, weej hadde iers de wienmis en daonao waas de optocht.  Weej meugde op ein kèr gaon zitte en snoep goeëje en det waas hiel leuk. Alweer stónde d’r hiel vuuël minse langs de kant, weej meuste zweie en de minse zweide dan truuk. Weej as jeugtrio meugde de minse op de receptie ein bedankje gaeve.

Dónderdaags zien weej met ’t groeëte trio nao de witte Stein gewaes, wao William op ‘t activiteitencentrum werk. Hae waas dao prins gewaore en weej zien um gaon fillicitere en hebbe ouk nog polonaise geloupe achter de rolsteul. Ouk zien weej met ‘t groeëte trio en de hoeëge wieze raod van elf met de blièricksen daag mei gegaon. Weej hebbe beej de Wortelepin op de buun gestaon en vervolges zien weej met de groeëte bus nao de receptie van Beledoko gewaees. En nao deze drökke daag hebbe we lekker gegaete beej de Maagdenberg.

De vrièdaag daonao waas de prónkzitting in de Maaspoort en toen kwame d’r hiel vuuël optraejes. Beejveurbeeld dans, zang, möpkes en allemaol andere leuke dinger en as slot meugde d’r minse op ‘t podium beej Frans Pollux. Allemaol van zó’n leechgaevende ermbend in ‘t publiek goeëje det waaas waal grappig.

Vastelaoveszóndaag meuste weej ièrs beej Jocus Toekóms beejein kómme, weej meuste bes lang wachte maar det makde niks oèt want weej hadde dao computers, friet en ein luchkösse. En toen lepe weej de optoch en hiel vuuël mense stónde langs de kant, det waas waal leuk um te zeen. Aansloètend waas de receptie van Jocus Toekóms die meugde weej fillicitere. Daonao ginge weej nog nao de Moeraskwakersreceptie um eur te fillicitere, weej meuste d’r ein tièd wachte maar oètintelik begós ós leedje van de wien en meugde weej ‘t podium op um eur te fillicitere.

Met de vastelaovond hebbe weej vuuël op de taofel gestaon met ‘t groeëte trio in de Maagdenberg. Das rote pferd waas ós favoriete nummer en ein gooje twieëde waas kriebels. Dinsdaags hebbe weej ’s morges same gebruncht en daen aovend waas ‘t vlagstrièke ‘’ Neet met ein strièkbout maar ‘t nao ónder haole van de vlag.’’ Weej krege appelsap en de groeëte krege champagne. Heejnao zien weej effe beej mekaar gewaes en vónde ’t erg det ‘t aafgeloupe waas. Ein gelök hebbe weej nog, weej meuge nao ‘t kinder-BCL in Niejstad en ‘t aaftraeje steit ouk nog op ‘t programma. Maar of weej d’r as trio zien det weite weej nog neet, want weej wille hielemaol neet aaftraeje maar nog zó’n jaor belaeve. Veur ós as jeugtrio vónde weej ‘t ein hiele tóffe tièd en weej hadde de grutste lol en ‘t waas altièd kei gezellig. Weej winse ‘t nieje jeugtrio van 2009 ein hiele leuke tièd toe.

Groetjes Prinses Charina en adjudante Ron en Remi.

Hallo, 

Ik bin Vivian, ald-vors-Mini-Wienius en dit is mien aafscheidswäördje. Ik bin 2 jaor vors gewaes, ’t waas in ein waord Geweldig! Zoeë gezellig, de minse um dich haer, de gezelligheid, maar veural de steun die idderein van mekaar krieg. Nao 2 jaor heb ik ’t geveul det ik mien stökske mót euverdrage aan ein nieje vors, dae dao haopelik net zoeëvuuël plezeer van haet as mich. 

Groetjes Vivian



<<< gank truuk nao de trio's van alle jaore