Jeugtrio 2007:

Prins Shiva I Peters

Adjudant Cady de Boer

Adjudant Mirna Nolle

Vors: Vivian Faessen
Veurzitter: Marc Houwen

Hallo leeve minse, weej gaon óg vertelle wie de daag met vastelaovend zien gewaes.

18 jannewari: weej woorte ein veur ein opgehaold en nao ‘t hoès van de prins gebrach. Dao meuste weej op de steul wachte wies ‘t  groeëte trio en de raod van elf en de elders d’r ware. Det waas lang wachte en weej wiste neet wae d’r nog mièr in ‘t trio zoote, weej hadde waal al ein vermoede. Wie ze d’r allemaol ware woorte weej ein veur ein veurgesteld, ièrs Cady toen Mirna en daonao Shiva. Daonao meuste weej de proclamaties en ós motto veurlaeze.  En daonao hebbe weej nog hiel lang gefees.

19 jannewari: Weej kwame hielemaol kepot op schoeël en keivuuël minse hadde ein vermoede van Shiva en Cady maar Mirna waas waal ein verrassing, det had nemus verwach. ‘t Waas wal ech stóm det weej niks meugde zegge. En dae aovend hadde weej de vastelaovenddisco, det waas kei gezellig en weej hadde op de taofels gedans en Shiva waas d’r van aafgevalle, maar ‘t waas nog gezellig gewaore.

20 jannewari: De volgende daag hadde weej de jeugmiddaag en toen kwaam clown Japie, det waas ech kei-leuk. Daonao ginge weej friet aete en toen waas ózze receptie, det waas kei gezellig, d’r ware ech kei vuuël minse en weej krege vuuël kedoos. En ‘t waas kei leuk want Shiva waas op dae daag ouk nog jeurig en had nog noeits zoeëvuuël minse op ziene verjeurdaag gehad.

Fees op schoeël. Det waas kei leuk allemaol met de kinder.

Zóndaags ginge weej nao de kerk en daonao meugde weej met de paerd en koets door de wièk rieje. Weej meugde snoep goeëje en wie weej truuk kwame ginge weej effe waat aete.  Daonao receptie van het groeëte trio in de Maagdenberg zelf, det waas noow ech gezellig.  Weej hadde tössedoor nog hiel vuuël recepties en toen waas ‘t alweer Vastelaovend. We hadde nog ein receptie van Jocus Toekoms en de Moeraskwakers. Met de boerendaag hadde we ein brunch en krege weej ein keel van de jeugkemissie. En ‘s aoves meus de vlag waere gestreke. En weej ginge op de taofels danse ‘t waas kei gezellig maar ouk emotioneel en toen ginge weej nao boète um dan toch de vlag te strièke en det waas hielemaol neet leuk, maar weej hebbe nog de ganse nach gefees net wie het nog Vastelaovend waas en toen waas ‘t dan toch aafgeloupe.

Maar al met al hebbe weej ein kei leuke tièd gehad en wille weej de jeugkemissie in het speciaal bedanke veur alles waat zeej veur ós gedaon hebbe.

En weej winse ‘t volgend trio vuuël succes. 

Leefs xxx Prins Shiva 1 en zien adjudantes Cady & Mirna 



<<< gank truuk nao de trio's van alle jaore