Jeugtrio 2006:

Prinses Martine I van de Kamp

Adjudant Roxanne van Rhee

Adjudant Loes Derikx

Vors: Brian Zwiggelaar
Veurzitter: Marc Houwen

26 jannewari.  Weej woorte ein veur ein  thoes opgehaold. Weej woorte geblinddook en krege ein maske op. Weej ginge toen met d’n auto nao ’t hoes van de prinses. Weej ginge dao nao binne en weej meuste wachte wies idderein d‘r waas. De Prins van ‘t groeete trio (Boy) meus ein oorkonde veurlaeze en woorte onthuld thoes zoeedet ozze femilie ‘t wis. Iers Loes, toen Roxanne, en toen Martine. Daonao ginge weej nao océ um foto’s te make. Det waas erg gezellig. Daono toen weej truuk bij Martine thoes ware hadde weej nog ein laat fees wies 1 oor ’s nachs.

27 januari De vriedaag op schoeel waas moeilik want de mogs niks zegge, en weej ware nogal muug. Ouk vriedaag waas d’r de Jeugvasteloaves-disco. Ozze elders krege kabouterpekskes aan zoeedet ze al ein bietje koste raoje wae ‘t waas. Toen woorte weej onthuld en begos ‘t fees al ech. 

28 januari Op dezen daag waas de jeugmiddaag. Det waas veur de kleinere kinder. Dao kwaam de vriendin van Japie op bezeuk. Daonao ginge weej friet aete en daonao waas ozze receptie!!! D’r ware super vuul minse. Weej woorte hiel erg verwind. We krege vuuel snoep. Daonao ginge we nog nao Martine’s hoes um nog vaerder te feeste.

Weej meugde op de ponywage met de raod van 11 en de vors en de sirremoniemeister en de dansmeriekes, weej ginge namelik nao de maaspoort, wao ‘t groeete trio eur receptie heeld. Op de ponywage meugde idderein snoep oet de ponywage goeeje. Toen weej op ‘t podium kwame ginge we ‘t trio fillicitere. Weej meuste beej ‘t trio op ‘t podium blieve wies 5 oor. Weej meuste de minse die kwame fillicitere kedootjes gaeve. Daonao ginge weej nog nao de MacDonalds um ein BigMac-Menu te aete. 

Weeje ginge nao de ónthulling van Jocus Toekoms. Dao waas ‘t hiel gezellig. We ginge ouk nog nao allemaol recepties: de Kwas- VVV 03- de päörtjes- de Moeraskwakers- de Vaegers- Beledoko- de Wortelepin- Jocus Toekoms.

Met de vastelaovend zelf leepe weej met de kinderoptoch mei. Daonao ginge we nao de receptie van Jocus Toekoms en nao de Moeraskwakers. Met de boerebroèlof hadde weej ein gezellige brunch. En toen ’s aoves meuste weej voeur ‘t lets kómme en vlagstrièke. Maar veur det weej det deeje meuste we nog met ‘t groeëte trio op de taofels danse. Det waas waal lol. Um 12 or ’s nachs ginge weej nao boète en haolde de vlag van de paol aaf. Toen waas ‘t veurbeej…  

Weej hebbe ‘t super leuk gehad en winse óg ein fijne vastelaovend in 2007!!!  

 -xXx-

Van Prinses Martine I
en eur adjudante Loes en Roxanne.


 Hallo minse, heej waas ik weer, veur de letste kièr. 

Dit waas mien letste seizoen as sirremoniemeister van de jeug van de Wien. Nao de 3 jaor heb ik genóg gezeen en leuk vastelaovend gevierd. Iddere kièr de leuke Wienbol oètbringe waas erg tof. Same met Brian heb ik ’t waal gered met z’n twieë. Ik heb leuke trio’s meigemak en vuuël lol gehad.

Ik wil de jeugkemmissie ouk bedanke veur dae leuke tièd. Zoeë, noow gaon ik mien eige waeg weer vaerder in de Vastelaovend. 

Groetjes Donny Meurs

Ald sirremoniemeister van de Wienjeug


Daag leef wienbölkes en wienböl!!!!!! 

Ik bin Brian de vors van veurig jaor en ut jaor dao veur. As vors is ut netuurlik erg leuk, de meugs ein wienbol oètbringe en lekker vuuël praote. Zoeë-as geej meschiens nog weit waar ut veurig jaor ein groeët suk6!!!

Ut waas ein jaor det geweldig waar. Lekker fièste en hosse en allemaol die kinder met eur verschrikkelik moeije kleier aan, dao neem ik mien petje waal veur aaf huur. Ik haop det geej d’r dit jaor weer zoeëvuuël  plezeer in heb. Tuurlik heb geej d’r zin in. Ik wins netuurlijk ouk de vors van dit jaor vuuël suk6. En ouk de groeëte vors van de wien, Boy, dae mak d’r zeker  ouk iets schoeëns van. Ik zeen óg snel. 

Groetjes van de miniwinius Brian.



<<< gank truuk nao de trio's van alle jaore


De Wien Venlo

De Wien Venlo

De Wien Venlo

De Wien Venlo