Jeugtrio 2005:

Prinses Marijke I Theunissen

Adjudant Lian Verkoeyen

Adjudant Lizzy Leijssen

Vors: Brian Zwiggelaar
Veurzitter: Jos Alberts

Aafscheidswäördjes en wie weej dit ervare hebbe um in ‘t jeugtrio 2005 te zitte.

Oétkómme: Weej woorte ein veur ein opgehaold met de auto en krege ein maske op. En woorte in ein vraemde kamer op ein bank neergezatte en deeje ein veur ein de maskes aaf. Toen woorte weej geïnstalleerd door de Vors en de sirremoniemeister van de Wien. Toen foto’s gaon make beej Oce veur de poster. Weej ware echt super bliej det weej in ‘t jeugtrio van de Wien zote. 

Vrièdaag 7 jannewari waas de jeugdisco in de Maagdenberg. Dao woorte weej oètgerope veur de kinder van de greuneveldschoeël. 

Zóndaag 9 jannewari vlagheise in de Maagdenberg. Det waas ech hiel grappig. Want de vlag hóng op de kop. Toen ginge weej nao de privé recepsie van het groeëte trio van de Wien. Dao zote weej in ein kleine kamer vlak bij de Maagdenberg. En det waas hiel gezellig en weej krege dao te aete en te drinke. 

Zaoterdaag 15 jannewari jeugmiddag in de Maagdenberg waas hiel gezellig. Beej ózze eige privé recepsie ware ech super vuuël minse, de ganse zaal waas vol. En toen meus ik de proklamatie veurlaeze. We krege hiel vuuël snoep en kedootjes. 

Zóndaag 16 jannewari de heilige mis in de kerk en de intoch en recepsie in de Maaspaort. De prinses meus ein stökske veurlaeze in de kerk. En toen makde weej ein hièle erge blunder want alle scepters vele van de bank aaf en d’r waas toen hiel vuuël lawaai. Daonao ginge weej gezellig waat aete in de Maagdenberg. Toen ginge weej in de huifker nao de Maaspaort en ónderweg meugde weej snoep streuje. En aansloètend de groeëte recepsie van de prins in de Maaspaort. We meugde kedootjes verdeile en meugde soms meiloupe in de polonaise. 

Dinsdaag 8 fibberwari: We ginge ‘s morgens vruug nao de Maagdenberg, weej krege dao ein boerekeel aan. Daonao ontbijte. ’s Aoves um 24.00 oor vlagstrieke en toen ginge weej weer nao binne en woort ‘t leedje “hald mich vas” gedreid en toen meus ’t ganse trio bäöke. Weej vónde t ein hièle leuke ervaring en ik haop det geej det ouk zoeë leuk as ós zal vinde.

Groetjes, Prinses Marijke

met adjudante Lizzy en Lian.

 

 

Goojendaag Minse!

Veur diegene die mich nog neet kinne, ik bin Donny Meurs. Ik bin sirremoniemeister beej de jeug van de Wien. Ik gaon noow ‘t twieëde seizoen in en ik vind ‘t hartstikke gaaf. De trio’s zien altièd leuk en met de vors en de raod hebbe weej altièd vuuël lol en plezeer.

Ik heb al vuuël evenemente binne en boète de Wien mei meuge make. Euveral wao weej kómme is ‘t altièd leuk en gezellig. As ik de name van de andere trio’s neet mièr weit met de Wienbol oètbringe steit de jeugkemissie altièd achter mich um mich te helpe.

“Heb altièd lol en plezeer beej de Wien. Jao, dao mosse zien!”

Groetjes Donny Meurs.

 

 

Ha, wienbölkes en wienböl: Noow ik bin de Vors van de geweldige carnavalsvereniging de Wien. Ut is ech geweldig um det te zien. Umdesse ouk de wienbol meugs oètbringe. Veurig jaor toen hadde weej ein leuk trio: ein prinses met 2 adjudante. We ginge van alles doon beejveurbaeld alle andere trio’s fillisitere. Det waas geweldig leuk, weej ginge ouk met de optoch mei. Nao aafloup van alle aafspraoke ginge weej nog lekker fees viere met idderein.

In de Maagdenberg waas ‘t hiel gezellig. Op het ind waas ‘t hiel emotioneel want weej meuste de vlag strieke. Det beteikent det de vastelaovend aafgeloupe is.

Nou ik haop dat geej ‘t allemaol geweldig heb beej de Wien. En effe ein dingk: altièd is ‘t gezellig beej de Wien. Dus heb der zin in en maak der iets leuk van.

Groetjes Brian de Vors van de jeugd van de Wien.



<<< gank truuk nao de trio's van alle jaore