Jeugtrio 2004:

Prinses Libby I Bastiaans

Adjudant Kim Vercoulen

Adjudant Brian Zwiggelaar

Vors: Jacky Kleuskens
Veurzitter: Jos Alberts

‘t Oètkómme (adj. Kim)

Weej  woorte opgehaold door emus van de jeugkemissie. Toen zag zeej det we in ‘t trio zoote, maar weej wiste nog neet as waat, en ouk nog neet wae de andere ware. Weej makde ein autorit door ‘t greunveld, en kwame beej de prinses thoès aan. Idderein kwaam binne maar weej wiste neet wao weej ware, en weej ware ouk nog ens geblinddook. Toen had de prins ós oètgerope, en daonao lekker aete beej ózze prinses. 

Vrièdaag 23 jannewari: jeugdisco (adj. Kim): ‘t Waas eine disco veur de groepe 7 en 8, hiel waat anders as de jeugmiddaag. Weej woorte beej de disco oètgerope, ‘t waas keigezellig. 

Zaoterdaag 24 jannewari: jeugmiddaag in de Maagdenberg en receptie (adj. Brian): Weej deeje ein prissentatie veur het ganse gezelschap en weej krege vuuël snoep, ‘t waas hiel lekker, ik heb d’r van gesmöld, daonoa zien d’r hiel vuuël kómme fillicitere. Ruud Stikkelbroek en Bram Holla zónge “Het optochleed” en “Prinse veraoje”, ‘t waas ein leuk leedje. 

Zóndaag 1 fibberwari: H. mis, intoch en receptie in de Maaspoort (prinses Libby): D’r waas ein vasteloavesmis, ik meus met mien trio iets veurleaze. Weej ginge daonao nao de Maaspoort en ginge iets van kedoos oètdeile aan vasteloaveskemissies, die naeve kwame um ‘t trio te fillicitere. 

Zaoterdaag 14 fibberwari: receptie de Kwas, Venlose Boys en VVV ‘03 (adj. Brian): Weej ginge ièrs nao de Kwas, ‘t waas hiel erg leuk, weej ginge door nao Venlose Boys, dat ware kleine fiene minskes, daonao nao VVV ‘03, ‘t waas leuk, ik bin heej zelf ouk adjudant gewaes. 

Zóndaag 15 fibberwari: Bliericksen daag (adj. Kim): Weej hadde ‘t champagne ontbijt, ‘t waas eigelik ein soort verjäördaag met gehakbölkes, eier, snoep en chips. Daonao ginge weej nao de recepsie van de Wortelepin in Blierick, en daonao nao de receptie van Beledoko, ‘t waas keigaaf. 

Vrièdaag 20 fibberwari: vastelaovend op schoeël (Prinses Libby): Weej hadde op schoeël vastelaovend, gezellig. ‘s Morges met de ónderbouw fees bouwe en ‘s middaags met ózze eige klasse. Toen kwaam t groeëte trio nog naeve en waas jaomer genóg den daag veurbeej. 

Zóndaag 22 fibberwari: Jocus Pocus optoch midde door de stad (adj. Brian): Weej ginge nao de Jocusoptoch, ‘t waas gezellig. En beej de moeraskwakers oèt ‘t Ven waas ’t ouk leuk. 

Dinsdaag 24 fibberwari: Brunch (Prinses Libby): Det waas den daag det weej nao de Boerebroèlof ginge. Det waas keitof, maar ‘s aoves hebbe weej waat träönkes laote gaon. Weej meuste de vlag strieke met de groeëte prins en det waas ‘t letste van de vastelaovend. Weej hadde ‘t super leuk. 

2005 aftraeje (adj. Kim): In 2005 met de vastelaovend mótte weej tiedes de jeugdisco nog aaftraeje. 

Prinses Libby en zien kwante adjudante Kim en Brian 

 

 

Hallo, ik stel mich efkes veur. Ik bin Joey Steegh en ik bin 3 jaor beej de jeug van de Wien gewaes en heb ein leuke tied gehad. 1 jaor as raodslid en 2 jaor as sirremoniemeister. Toen ik in groep 7 zoot bin ik beej de raod gegaon en in groep 8 had ik mich opgegaeve veur sirremoniemeister. Op ‘t ind van de Vastelaovend vrooge ze of ik det nog ein jaor woel doon. Det heb ik gedaon en ik zoot toen in de 1e van t Blariacumcollege. Asse sirremoniemeister bis geisse nao mièr dinge mei nao toe. Best leuk!!. Weej ginge op de zóndaag veur de Vastelaovend met de bus euveral haer en ouk nao de Groeëte Prins van de Wortelepin. Dao meus ik de Wienbol oètbringe en die minse hadde mich zó’n rare name det ik ’t neet mièr wis maar gelökkig woort ik toen geholpe door de groeëte sirremoniemeister. Achteraaf waas ’t waal grappig, maar wie ik dao stónd netuurlik neet. Waat ik ouk leuk vond waas de kinderoptoch veurig jaor, dao meugde weej ouk mei loupe. Nog bedank veur de leuke tièd dae ik heb gehad de aafgeloupe 3 jaor heej beej de Wien. 

Groetjes Joey

 

 

Leef Wienböl en Wienbölkes, 

Ik vind ‘t ein ièr det ik 2 jaor op riej jeugvors heb meuge zien. Ik vond dit ech geweldig um te doon, umdet idderein hiel gezellig waas (veural met vastelaovend!) allein dit jaor heb ik jaomer genóg gennen tièd um vaerder te gaon as jeugvors, maar ik zal vas good vervange waere, dao maak ik mich neet drök um!

Ik wil idderein bedanke dae gezörg haet en nog steeds d’r veur zörg det de Wien-jeugvastelaovend geweldig wuurt.

As d’r oeits in 2015 ouk vrouwluuj in de groeëte Wien meuge, dan wil ik waal weer vors zien! Hiel vuuël groetjes en kusjes, 

Ald jeugvors

Jacky Kleuskens



<<< gank truuk nao de trio's van alle jaore