Jeugtrio 2002:

Prins Jasper I Theunissen

Adjudant Michiel Coenen

Adjudant Kay van Steenkisten

Veurzitter: Jos Alberts

Ik prins Jasper I wil óg  gaer vertelle waat ik heb meigemak.

‘t Begós allemaol op dónderdaag 10 fibberwari. t Waas zoeëas gewuuënlik ein gewoeëne daag as alle andere daag, behalve d’n aovond. Daen aovond waas ‘t ein bietje vraemp want mien elders deeje dinger die zeej normaal noeits deeje. Toen belde Wilma Jacobs aan: "det is waal erg vraemp", dach ik. Zeej reepe mich nao binne terwiel ik nog zoot te aete. En toen hoort ik det ik in ’t jeugtrio zoot beej de Wien. Ik kreeg ein bloès aan en ik kreeg ein maske op, ging nao boète en ging in de auto van Wilma zitte.

Wie ik in de auto zoot kreeg ik instructies. Ik waas op ‘t adres aangekómme.

De bel leek op die van ós en ik hoort de stum van mien mooder. Ik dach: "kin ‘t nog vraemder of wie zit det" en terwiel ik nao binne leep meus ik door ein smale gangk: "Weer iets dat op thoès liek". Einmaol de jas oèt op de bank, veulde ik ein hand: "Hmmmm, d.r zit emus langs mich". Toen kwaam d’r nog emus binne.

Dao klonk ein bel.

De groeëte prins was d’r: John II en zien gevolg. Ze begóste hiel lang te praote en ...................... toen ginge de maskes aaf. Michiel en Kay: "twieë vrinde suuuuuuper leuk" dach ik en filliciteerde ze. Weej krege de mantels, vaere, strikje, mutse en scepters.

De zaoterdaag waas ouk hiel leuk want weej woorte veur groeëter publiek bekind gemak. Daonao ginge weej met de Raod van Elf aete in de alde bank naeve de Maagdenberg. Toen waas de receptie met femilie en gaste zoeëas: Venlosche Boys, Moeraskwaakers, Beledoko, de Witte Stein en Jocus Toekoms. ‘t Deurde langer dan normaal maar waas wel erg leuk.

Weej zien ouk nao de gaste toegegaon maar nao nog mièr zoeëas: VVV 03, Wortelepin, carnaval op schoeël en Wilfried in ‘t ziekehoès. Vlagstrieke waas hiel emotioneel want ik meus ein bietje bäöke.

Ik Jasper,  Kay en Michiel vinde ‘t hiel jaomer det ‘t hiel snel is gegaon.

Weej zoele ‘t nog ein kièr wille zien en messchiens kump dae wins waal oèt want messchiens waere weej waal prins of adjudant van ’t groeëte trio van de Wien of Jocus.

Wae wet, dus ‘t wuurt aafwachte.

         

Groetjes van Prins Jasper en adjudante Kay en Michiel.

Vastelaovend same!!!!!!

 

 



<<< gank truuk nao de trio's van alle jaore