Jeugtrio 2000:

Prinses Debby I Schreurs

Adjudant Bart Sonnemans

Adjudant Rick van Ulft

Veurzitter: Jos Alberts

Op vrièdaag 4 fibbewari 2000 kwame d’r eine man en ein vrouw beej ós op bezeuk, weej wiste neet waat ós te wachte stónd. Weej vónde ‘t allemaol erg vraemp, want beej Debbie thoès waas zien mooder jäörig, en ‘t hoort in de gangk det d’r emus zich aan zien mooder veurstelde. Toen kwaam Wilma beej Debbie thoès en filliciteerde zien mooder. Toen kwaam Wilma nao Debbie toe en zag:"proficiat, de zits in ‘t jeugtrio van De Wien". Debbie trilde gans en ging nao baove um zich um te trekke. 

Ditzelfde gebeurde zoeë óngeveer beej Rick en Bart thoès. Weej hadde gaar neet gedach det weej in ‘t jeugtrio zoele kómme. Rick en Debbie al gaar neet, want die hadde op schoeël ouk al ein breef gehad, det zeej in de Raod van Elf zoote. Bart woel gaer in ‘t trio.

Weej krege van zó’n zwart-wit-roeëd maske op, en ginge ein stökske rieje met de auto van de minse, die ós hadde opgehaold. Effe later zoote weej met ós dreeje op de bank en d’r woort gepraot. Ièrs woorte de adjudante veurgesteld en Debbie meus raoje wae d’r naeve um zoote.....en het had ‘t good!! Weej hadde ‘t hiel gezellig, woorte gefilliciteerd en krege kedootjes. Prins Lei II en zien Adjudante Leon en Jos ware d’r neteurlik ouk. Weej krege mantels um, mutse op en de scepters in de hand. 

Nog ein nachje slaope en weej woorte veurgesteld aan de kinder die op 5 fibberwari op ‘t jeugbal ware.

‘t Waas ein hiele leuke tièd veur ós en dinke d’r nog dök aan truuk. Jaomer det weej op 20 jannewari 2001 weer mótte aaftraeje.... 

Wiengroetjes van ‘t jeugtrio 2000

Debbie I, Bart en Rick.



<<< gank truuk nao de trio's van alle jaore