Jeugtrio 1999:

Prins Pascal I Driessen

Adjudant Ruud van Dorland

Adjudant Tim Josten

Veurzitter: Henny Crommentuyn

Op 14 jannewari 1999 waas 't dan zoeë wièd

Op 14 jannewari stónd inens Wilma Jacobs aan de deur. Tot groeëte verrassing kwaam het vertelIe det weej, Ruud, Tim en Pascal, 't nieje jeugtrio van De Wien 1999 woorte. ’t Groeëte trio en de raod makde ós bekind.

Op 16 jannewari woorte weej veur alle Wienböl bekind gemak en woort de proklamasie veurgelaeze. Weej krege vuuël kedootjes van femilie en kinnese en woorte erg verwind. Ouk 't Trio van Jocus Toekóms kwaam op bezeuk.

 Zóndaag 24 jannewari waas de Heilige Mis in de kerk en 's middaags waas de intoch. Weej dachte det weej in ein jeep meuste, maar tot groeëte verbazing stónd dao ein dieke Mercedes Cabrio veur de Maagdenberg, det waas ruig! Weej ginge nao de Maaspaort, wao de groeëte resepsie van ’t groeëte trio waas.

Dao stónd de Fanfare, met mezièk stónde zeej dao te wachte op de minse van De Wien. Weej nao binne, ièrs effe waat aete en daonao de buun op. Weej hebbe ’t groeëte trio kedootjes gegaeve en daonao kwame alle minse filisitere. As de minse de buun weer aafginge, meugde weej eur ein aandinke gaeve. 

Op 31 jannewari ginge weej nao de zitting van Jocus Toekóms, det waas wie altièd erg leuk, allein jaomer det weej de buun neet op meugde .....

 Op 7 fibberwari ginge weej nao Beledoko. Det waas veur ós allemaol de ièrste kièr, maar waal ein bietje saai en op 14 fibberwari, vlak veur det de echte vastelaovend begós, ginge weej Jocus Toekóms filisitere. 

't Waas ein supertóffe, gave, kicke. ... vastelaovend!!!!!!!

Prins Pascal, adjudant Ruud en Tim.

---------

 

 

't Nieje jeugtrio van de Wien woort aan mekaar veurgesteld en aan 't groeëte trio. Netuurlik waas 't ganse gevolg daobeej. Nao zó'n half eurke (!) wachte met maskes op (bloodheit, zweite, maar ech neet allein van de wermte) stónd dao d'n hoeëgheid veur de deur en kós 't fees beginne.

 't Veurstelle door 't groeëte trio ging op originele wièze, op rièm, aan idderein dae d'r waas en aan elkaar. Alledreej reageerde ze hièl spontaan en d'n band waas d'r vanaaf de ièrste minuut. ÓS jeug woort door 't groeëte trio aangekleid as Prins en Adjudante met de daobeej behuurende versiersele.

Heejnao volgde de toespraok van Vors Wienius en de ièrste toespraok van Prins Pascal, de proklamasie. Met ein echte Venlose gezelligen aovend kwaam d'r ein ind aan dees bezóndere daag.

16 jannewari, de jeugmiddaag. 

Intelik meugde zeej zich dan in de ech laote zeen as Jeugtrio van de Wien. Nao ein leuke jeugmiddaag woorte zeej bekind gemak en ouk heej volgde ein gezellige resepsie.

Op 24 jannewari woort ós jeugtrio ( en weej ware d'r netuurlik ouk beej ) verwach in de Vastelaovesmis. Heejnao volgde de de intoch door 't Wienrièk en jaowaal huur, zeej meugde in ein auto wao ze allein maar van dörfde te druime .... 

As jeugtrio woorte zeej bezónder betrokke beej de groeëte resepsie van 't groeëte trio in de Maaspaort, veur eur en veur ós as elders iets um noeëts te vergaete.

Nao ein gezellige Jocus Toekómszitting en de resepsie van Beledoko kwaam veur eur nog 't fees op schoeël: 's morges met de kleintjes in 't jeughoès en 's middaags nao d'n optoch van schoeël met de groeëte. 

De elders van 'tjeugtrio 1999



<<< gank truuk nao de trio's van alle jaore