Jeugtrio 1998:

Prinses Bibian I Baur

Adjudant Rachel Marks

Adjudant Kim van de Lockand

Veurzitter: Henny Crommentuyn

Op 30 jannewarie 1998 kwaam d’r unne man beej ós thoès kièke nao ózzen haof ( det hadde mien elders mich wiès gemak ). Hae stelde zich veur en det vónd ik al ein bietje raar. Ik kós dae man örges van…. Ik dach: is dae neet van de Wien?

Weej zoele um kwart op 7 nao Venraoy gaon. Ut woort al later en um 10 op 7 waas dae man nog neet weg. Persiès um kwart op 7 ging de deurbel. Ik dach: dao zalse mien breurke hebbe; dae is zeker al truuk! ( hae waas met de buure nao Blièrick gewaes en zoel dao blieve slaope ). Toen ik aope makde stónde Henny en Anja veur de deur. Ik kreeg d’r gans de kriebels van. Toen meus ik op de bank gaon zitte en Henny vroog: "Vinste ut leuk as dich dit jaor in ut trio zits?" Neteurlik zag ik JAO!!!! Toen kreeg ik ein sjaal um en ein maske ( en heit det ut waas !).Efkes later kwame d’r twieë kinder naeve mich zitte. Weej meuste nog op ut groeëte Trio wachte.

Toen, nao lang wachte ( ik stikde bijna door de sjaal ) meugde ik raoje wae d’r naeve mich zoot. Ik had ut neteurlik weer fout, want in plaats van Marieke en Suzanne zoote Kim en Rachelle naeve mich. We woorte door idderein gefilliciteerd en toen krege weej de mantels, medailles, scepter en neteurlik de proklamasie. D’r woort wiès hièl laat gefees en de jeugmiddaag kwaam steeds dichterbeej……’t Zoel ‘ne drökke tièd waere….

Ut waas ouk ‘ne drökke tièd en ‘ne tièd um noeëits te vergaete. Ik wil gaer idderein bedanke veur alles waat zeej gedaon hebbe veur ós. Veural ós eige vaders en moders en de Jeugkemmissie…..

Prinses BIBIAN I

 

Ik waas adjudante I, same met Rachelle, adjudante 2, en Prinses Bibian I. Ut waas hièl gezellig. Wie ut allemaol is gegaon zal ik noow vertelle….

Op einen daag kwaam Meneer Mat in de klas en vroog wae d’r allemaol in ut nieje jeugtrio woel kómme. Bijna de ganse klas stook de hand op! Meneer Mat haet toen alle name opgeschreve.

‘n Paar waeke later kwaam d’r, veur de kinder die in de Raod zoote, einen breef. Ik zoot dao jaomer genóg neet beej……….Toen zag mien moder, det, d’n daag det ut trio gekaoze zoel waere, weej s’aoves nao ein fees meuste van eur werk. Idderein beej mich in de klas dach det ik in ut trio zoel zitte, wao ik zelluf niks van aaf wis….

Toen ging op de bewuste vrièdaagaovend de bel. Mien vader en moder deeje hièl geheimzinnig. Mien moder makde aop en zei, det d’r bezeuk veur mich waas. Toen kwaam Boy, dae in ‘t bestuur van de Wien zit, mich vertelle, det ik in ut trio zoot !!!!!

Ik kreeg ein maske veur en woort geblinddook in de auto gezatte, wiès we op de plaats van bestumming ware. Weej ginge ein hoès binne, wao ik op de bank meus gaon zitte en niks meugde zegge……Wie idderein d’r waas begós de Prins van de Wien de proklamasie veur te laeze. Toen woort ièrs beej mich ut maske aafgedaon.Ut waas hièl drök in de kamer, met de elders van Bibian, van Rachelle, en die van mich, de Prins met zien adjudante, de Raod van Elluf. Toen kós ik zeen wae d’r in ut nieje trio zoote!. Weej zien nog hièl lang bliève feeste en hebbe van alles bespraoke en ginge pas um 2 oor ‘s nachs nao hoès…….De volgende daag hebbe we oètgeslaope, en ‘s middaags ginge weej nao de Maagdenberg. Dao traejde ut alde trio aaf, en woort ut nieje trio bekint gemak. Jocus Toekóms kwaam ós as ièrste fillicitere, daonao de elders ,femilie en kinnisse. Ut waas ein schitterende daag, en we hadde nog vuuël mièr oètstepkes met ós trio……Jaomer det alles zoeë snel veurbeej ging. Heejbeej bedank ik idderein, det ik in 1998 adjudante van ut jeugtrio van de Wien waas……….

Ut waas geweldig……………Kim van de Lockand.

 

Ik waas in 1998 adjudante 2 beej de Wien. ‘t Waas erg leuk en gezellig. Ik had van te veure al zó’n vermoede det ik in ut trio zoel kómme…….. Ik waas d’n aovend, det ‘t trio opgehaold zoel waere, dan ouk erg zenuwechtig…….D’r stopde veur ós hoès ein auto, ik woort opgehaold!!!!!

Ik meus ein zwarte bóks en ein witte bloès aandoon. Daonao meus ik in de auto gaon zitte en kreeg ein maske op. Weej reeje nao ‘t hoès van Bibian, maar det wis ik neet. Dao woort van alles veurgelaeze en toen woorte de maskes ein veur ein aafgedaon. Ik kwaam d’r achter wae de andere leeje van ‘t trio ware, en same met ut groeëte Trio hebbe weej nog wiès laat in d’n aovend ( nach ! ) gefees.

D’n daag daonao ginge weej veur ‘t ièrs ut podium op. Toen woort ut veur de res van de minse bekint gemak. Weej zien ouk nog nao andere vastelaoves-vereiniginge gewaes, en die kwame ouk weer nao ós toe….. Beejveurbeeld in de Maaspoort, dao meuste weej ( ut jeugtrio ) beerviltjes oètdeile aan de gaste. D’r kwame ouk Duitsers, die ware leuk verkleid en traojde ouk op.

Ik heb van dees vastelaovend ech genaote…………

                                                                                                

Rachelle Marks



<<< gank truuk nao de trio's van alle jaore